তেজপুৰস্থিত জি আই এম টিত ‘গোমচেং ২০১৯’ অনুষ্ঠানৰ আয়োজন
বিগত বৰ্ষসমূহৰ দৰে এইবাৰো তেজপুৰস্থিত শিক্ষা প্ৰতিষ্ঠান গিৰিজানন্দ চৌধুৰী ইনষ্টিটিউট অব মেনেজমেণ্ট এণ্ড টেকন’লজি চমুকৈ জি আই এম টি, তেজপুৰত ‘Ethnic Day’ কাৰ্যসূচী হিচাপে ‘গোমচেং ২০১৯’ অনুষ্ঠানৰ আয়োজন কৰা হৈছে।
উল্লেখযোগ্য যে আগশাৰীৰ অভিযান্ত্ৰিক শিক্ষা প্ৰতিষ্ঠানখনত ব’হাগ মাহৰ প্ৰথম পষেকত পৰম্পৰাগত সাজ-পোছাক পৰিধানৰ দিৱস হিচাপে এটা দিন নিৰ্ধাৰণ কৰি প্ৰতিবছৰে এই অনুষ্ঠানটো উদযাপন কৰি অহা হৈছে।
উক্ত দিনটোত প্ৰতিষ্ঠানখনৰ ছাত্ৰ-ছাত্ৰী, শিক্ষক-শিক্ষয়ত্ৰীসকলৰ লগতে কৰ্মচাৰীসকলে পৰম্পৰাগত সাজপাৰ পৰিধান কৰি নিজ নিজ কৃষ্টিৰ পৰিৱেশন কৰে। অসমৰ বাৰেৰহনীয়া সাংস্কৃতিক সমিলমিলৰ লগতে উত্তৰ-পূব ভাৰতৰো সংস্কৃতিক ভিন্নতাক প্ৰতিনিধিত্ব কৰা উক্ত দিনটো প্ৰতিষ্ঠানখনৰ বাবে বিশেষ তাৎপৰ্যপূৰ্ণ দিন হিচাপে বিবেচিত হৈ আহিছে।
অইন বাৰৰ দৰে এইবাৰো বৰ্ণাধ্য কাৰ্যসূচীৰে আয়োজন কৰিবলৈ লোৱা উক্ত অনুষ্ঠানটোৰ বিশেষ আকৰ্ষণ হিচাপে থাকিব ‘পৰম্পৰাগত সাজপাৰ প্ৰতিযোগিতা’, ‘পৰম্পৰাগত খাদ্য প্ৰস্তুত প্ৰতিযোগিতা’ৰ লগতে অসমীয়া পৰম্পৰাগত খেল-ধেমালি। এই কথা সাংস্কৃতিক বিভাগৰ তত্বাবধায়ক সাধনা গোস্বামীয়ে জানিবলৈ দিছে।
You may also like
কংগ্ৰেছৰ সভাপতি নিৰ্বাচনত মূল যুঁজ হ’ব মল্লিকাৰ্জুন খাৰ্গে আৰু শশী থাৰুৰৰ মাজত
কংগ্ৰেছৰ কেন্দ্ৰীয় নিৰ্বাচন কৰ্তৃপক্ষৰ অধ্যক্ষ মধুসূদন মিস্ত্ৰীয়ে ঘোষণা কৰিছে যে কংগ্ৰেছৰ সভাপতি পদৰ বাবে চূড়ান্ত প্ৰতিদ্বন্দিতা মল্লিকাৰ্জুন খাৰ্গে আৰু শশী থাৰুৰৰ মাজতে…
জয়পুৰ সাহিত্য মহোৎসৱত বক্তৃতা প্ৰদান কৰিব বিশিষ্ট লেখিকা ৰীতা চৌধুৰীয়ে
প্ৰসিদ্ধ জয়পুৰ সাহিত্য মহোৎসৱত এই বছৰ অসমৰ প্ৰতিস্থিত লেখিকা ৰীতা চৌধুৰীয়ে বক্তা হিচাপে অংশগ্ৰহণ কৰিব। মাকাম, দেওলাংখুই আদিৰ দৰে বহু সমাদিত উপন্যাসৰ…
মৰাণ জনগোষ্ঠীক পি আৰ চিৰ প্ৰদানৰ সিদ্ধান্তক লৈ উদ্বেগ প্ৰকাশ সদৌ অৰুণাচল জনজাতি ছাত্ৰ সন্থাৰ
শেহতীয়াকৈ মুখ্যমন্ত্ৰী হিমন্ত বিশ্ব শৰ্মাই মৰাণ জনগোষ্ঠীক স্থায়ী বাসিন্দাৰ প্ৰমাণ পত্ৰ (পি আৰ চি) প্ৰদানৰ সিদ্ধান্তক লৈ উদ্বেগ প্ৰকাশ কৰিছে সদৌ অৰুণাচল…
বিজেপি সমৰ্থকেই আটাইতকৈ বেছি গো-মাংস ৰপ্তানি কৰে: কংগ্ৰেছ নেতাৰ বিস্ফোৰণ
গো হত্যা বন্ধ কৰাৰ বাবে তিনিদিন পূৰ্বে কৰ্ণাটকৰ বিজেপি চৰকাৰে এখন আইন আনিছে। তাৰপাছৰে পৰা বিৰোধীয়ে বিষয়টোক লৈ প্ৰতিবাদ প্ৰদৰ্শন কৰিছে। ইয়াৰ…