এন আৰ চিত গুৰুত্বপূৰ্ণ ভূমিকা লোৱা প্ৰদীপ ভূঞালৈ ‘মহাবীৰ লাচিত বৰফুকন বঁটা’
টাই আহোম যুৱ পৰিষদ, অসম (টাইপা)ৰ উদ্যোগত প্ৰতি বছৰে ‘লাচিত দিৱস’ৰ দিনা অসমীয়া জাতিৰ হৈ ত্যাগ, বীৰত্ব আৰু আদৰ্শৰে শ্ৰেষ্ঠত্ব নিদৰ্শনেৰে অসম মাতৃক গৌৰৱান্বিত কৰা একোজন ব্যক্তিক ‘মহাবীৰ লাচিত বৰফুকন বঁটা’ৰে সন্মানিত কৰি আহিছে।
ইয়াৰ সমান্তৰালভাৱে এইবাৰে লাচিত দিৱসৰ দিনা অৰ্থাৎ ২৪ নৱেম্বৰৰ দিনা এন আৰ চি ৰূপায়ণত গুৰুত্বপূৰ্ণ ভূমিকা পালন কৰা বিশিষ্ট সমাজ সচেতক প্ৰদীপ ভূঞাক ‘মহাবীৰ লাচিত বঁটা’ প্ৰদান কৰা হয়।
টাই আহোম যুৱ পৰিষদ, কামৰূপ জিলা সমিতিৰ উদ্যোগত শংকৰদেৱ কলাক্ষেত্ৰত আয়োজিত লাচিত দিৱসৰ দিনা শনিবাৰে প্ৰদীপ ভূঞাক এই বঁটা প্ৰদান কৰা হয়।
জলসম্পদ মন্ত্ৰী কেশৱ মহন্তই বিশিষ্ট সমাজ সচেতক প্ৰদীপ ভূঞাক ‘মহাবীৰ লাচিত বৰফুকন বঁটা’ প্ৰদান কৰে। টাইপাৰ মহাবীৰ লাচিত বৰফুকন বঁটাত প্ৰদীপ ভূঞাক আগবঢ়োৱা হয় চাপকং, লাচিত স্মাৰক, সম্বৰ্ধনা পত্ৰৰ লগতে পাগুৰি। ইফালে এই বঁটা গ্ৰহণ কৰি বিশিষ্ট সমাজ সচেতক গৰাকীয়ে টাইপাক ধন্যবাদ জ্ঞাপন কৰে।
উল্লেখযোগ্য যে অসম আৰু অসমীয়াৰ স্বাৰ্থত এন আৰ চি উন্নীতকৰণ প্ৰক্ৰিয়াক ত্বৰান্বিত কৰাৰ ক্ষেত্ৰত বিশেষ অৱদান আগবঢ়োৱাৰ বাবে এইবাৰ প্ৰদীপ ভূঞাক এই বঁটা প্ৰদান কৰা হয়। লগতে প্ৰদীপ ভূঞাৰ পত্নী বন্তি ভূঞাকো বিশেষভাৱে সন্মান জনোৱা হয়।
You may also like
পিষ্টল আৰু গুলীৰ সৈতে আৰক্ষীয়ে গ্ৰেপ্তাৰ কৰিলে যুৱকক
দৰং আৰক্ষী আৰু সেনাৰ ১৪ গাৰোৱাল ৰাইফলছৰ জোৱানৰ এক যুটীয়া অভিযানত শুকুৰবাৰে এখন যাত্ৰীবাহী বাছৰ পৰা এজন যুৱকক গ্ৰেপ্তাৰ কৰা হয়। অভিযানকাৰী…
অক্টোৱৰ মাহৰ ভিতৰত দেশক ঢৌৱাই যাব কোভিডৰ তৃতীয়টো ঢৌৱে,বিশেষজ্ঞৰ সতৰ্কবাণী
অতিমাৰী কোভিডৰ সংহাৰত বিধ্বস্ত হৈ পৰিছে ভাৰত। কোভিডে যে কেৱল দেশৰ স্বাস্ত্য খণ্ডতে প্ৰভাৱ পেলাইছে তেনে নহয়, কোভিডৰ প্ৰভাৱ দেশৰ শিক্ষা, বাণিজ্য…
এন আৰ চিত বিদেশী ন্যায়াধীকৰণৰ সিদ্ধান্তই হ’ব চূড়ান্ত : উচ্চতম ন্যায়ালয়
অবৈধ বিদেশী বুলি এজন ব্যক্তিক ন্যায়াধীকৰণে দিয়া ৰায় বাধ্যতামূলক হিচাপে পৰিগণিত হ’ব আৰু ৰাজ্যখনত চলি থকা এন আৰ চিত তেওঁৰ নাম বাদ…
কেন্দ্ৰৰ ১০২ লাখ কোটি টকীয়া আন্তঃগাঠনি উন্নয়ন প্ৰকল্প মুকলি
কেন্দ্ৰীয় বিত্ত মন্ত্ৰী নিৰ্মলা সীতাৰমণে মঙলবাৰে আগন্তুক পাঁচ বছৰত আন্তঃগাঠনি নিৰ্মানৰ বাবে ১০২ লাখ কোটি টকাৰ প্ৰকল্প মুকলি কৰে। ৰাষ্ট্ৰীয় আন্তঃগাঠনি পাইপলাইন…