পিতা-পুত্ৰৰ কাজিয়াৰ চূড়ান্ত ৰূপ! কাজিয়াৰ পাছত পুত্ৰই দেউতাকৰ গাড়ীত মাৰিলে খুন্দা, আঘাতপ্ৰাপ্ত ৪জন

মঙলবাৰে সন্ধিয়া পথত এজন পিতৃ-পুত্ৰৰ মাজত হোৱা কথিত মতানৈক্য বিয়পি পৰাত চাৰিজন লোক আহত হয়, ইয়াৰে দুজন নাগৰিক যিসকলে কেৱল আকস্মিকভাৱে বাটত আহি আছিল। অম্বৰনাথৰ চিখোলিৰ সমীপত সংঘটিত হোৱা এই ভিডিঅ’টো এজন প্ৰত্যক্ষদৰ্শীয়ে ৰেকৰ্ড কৰিছিল আৰু তাৰ পাছত ছ’চিয়েল মিডিয়াত একাধিকবাৰ শ্বেয়াৰ কৰা হৈছে।

সন্ধিয়া ৬:৩০ বজাত বিন্দেশ্বৰ শৰ্মা আৰু তেওঁৰ পুত্ৰ সতীশ কল্যাণ-বদলাপুৰ ৰাজ্যিক ঘাইপথত গাড়ী চলাই আহিছিল। বিন্দেশ্বৰ এখন বগা ৰঙৰ টয়োটা ফৰ্চুনাৰ গাড়ীত আছিল, য’ত পৰিয়ালৰ আন সদস্যসকলো বহি আছিল; তেওঁৰ পিছে পিছে ক’লা ৰঙৰ টাটা ছাফাৰী এখনত উঠি আহিছিল সতীশ।

সতীশে প্ৰথমে পিছফালৰ পৰা দেউতাকৰ গাড়ীখনত খুন্দা মাৰে৷

পুত্ৰৰ বিৰুদ্ধে হত্যাৰ চেষ্টা চলোৱাৰ অভিযোগত অম্বৰনাথ থানাৰ আৰক্ষী বিষয়াই এফআইআৰ ৰুজু কৰিছে। তেওঁলোকৰ মতে পিতৃৰ বয়স প্ৰায় ৬২ বছৰ হোৱাৰ বিপৰীতে পুত্ৰৰ বয়স প্ৰায় ৩৮ বছৰ।তেওঁলোকে লগতে কয় যে বিন্দেশ্বৰে বদলাপুৰৰ বাসগৃহৰ পৰা কোলাবালৈ গৈ আছিল, আনহাতে পুত্ৰই তেওঁলোকৰ পিছে পিছে এখন পৃথক গাড়ীত গৈছিল। পিতৃ-পুত্ৰৰ মাজত বিবাদ হৈছে বুলি জানিবলৈ দিয়ে।

স্থানীয় ৰাইজে আহতসকলক ওচৰৰ ব্যক্তিগত চিকিৎসালয়লৈ লৈ যায়।