Omicron in Assam অসমত চিনাক্ত প্ৰথমগৰাকী অ’মিক্ৰণ আক্ৰান্ত ব্যক্তি; ৰাজ্যত নিম্নগামী কোভিডৰ সংক্ৰমণ

Omicron in Assam অসমত প্ৰথমগৰাকী অ’মিক্ৰন (Omicron) আক্ৰান্ত ব্যক্তি চিনাক্ত হৈছে। কৰ’নাৰ নতুন ভেৰিয়েণ্ট অ’মিক্ৰণ সংক্ৰমিত প্ৰথমগৰাকী ৰোগী ধৰা পৰিছে শোণিতপুৰ জিলাত।

শোণিতপুৰৰ বালিপৰাৰ বুঢ়াগাঁও চাপৰিত শনিবাৰে চিনাক্ত হৈছে ৰাজ্যৰ প্ৰথম অ’মিক্ৰণ আক্ৰান্ত ৰোগীগৰাকী।

অ’মিক্ৰণ ভেৰিয়েন্টৰ দ্বাৰা আক্ৰান্ত ৰোগীগৰাকীৰ নাম সূৰ্য বাহাদুৰ তামাং।
ৰোগীগৰাকী চৌদি আৰৱত কৰ্মৰত আছিল।

নিশাই তেওঁক তেজপুৰ চিকিৎসা মহাবিদ্যালয় হাস্পাতালত ভৰ্তি কৰোৱা হয়।

ইপিনে ৰাজ্যত কোভিড পজিটিভিটিৰ হাৰ নিম্নগামী হৈয়েই আছে আৰু তালৈ চাই অসমত কোভিড পৰিস্থিতি নিয়ন্ত্ৰণাধীন বুলি ক’ব পাৰি।

Also Read: Omicron :অসমতে উদ্ভাৱন হ’ল মাত্ৰ দুঘণ্টাতে অমিক্ৰন চিনাক্ত কৰাৰ বিশেষ কিট

শনিবাৰৰ দিনটোত ৰাজ্যখনত কোভিডত কোনো লোকৰ মৃত্যু হোৱা নাই।

বিগত ২৪ ঘণ্টাত ৰাজ্যত কৰ’না ভাইৰাছত আক্ৰান্ত হৈছে ১১২ গৰাকী লোক।

এই সময়ছোৱাত ৩১,০০০টা কোভিড পৰীক্ষা সম্পন্ন কৰা হয়।

কামৰূপ মেট্ৰ’ত এই সময়ছোৱাত কোভিডত আক্ৰান্ত হৈছে ৪২গৰাকী লোক। সেইদৰে, ১১গৰাকী ডিব্ৰুগড়ত, ১১গৰাকী যোৰহাটত আৰু ১০গৰাকী বৰপেটাত আক্ৰান্ত হৈছে।

Summary of 11/12/2021

Today’s Total 112

Overall Positivity Percentage (112 cases out of 31,000 test done = 0.36%)

Kamrup(M) 42

Death 0

Recovery Rate 98.61%

— Himanta Biswa Sarma (@himantabiswa) December 11, 2021

ৰাজ্যত এতিয়াও কোভিডত আক্ৰান্ত হৈ ১১১০জন লোক চিকিৎসাধীন হৈ আছে।

শনিবাৰৰ দিনটোত ৰাজ্যত কোভিডৰ পৰা সুস্থ হৈ উঠিছে ১৩৭গৰাকী লোক।

কোভিড পজিটিভিটিৰ হাৰ হৈছে ০.৩৬ শতাংশ। এই সময়ছোৱাত সুস্থতাৰ হাৰ হৈছে ৯৮.৬১ শতাংশ।