দুৰ্গা পূজা উদযাপন সমিতিসমূহলৈ কি বিশেষ আহ্বান মন্ত্ৰী হিমন্ত বিশ্ব শৰ্মাৰ?
সমাগত শাৰদীয় দুৰ্গোৎসৱ। কিন্তু বহাগ বিহু, ঈদ, অম্বুবাচীৰ দৰেই ক’ৰ’নাৰ ত্ৰাসৰ বাবেই ম্লান পাব নেকি শাৰদীয় দুৰ্গোৎসৱৰ উল্লাস-আনন্দ?
ৰাজ্যত দ্ৰুতগতিত বৃদ্ধি পাইছে কোভিড আক্ৰান্তৰ সংখ্যা। তেনে পৰিপ্ৰেক্ষিতত কেৱল ধৰ্মীয় ৰীতি-নীতিৰেহে উদযাপন কৰা হৈছিল বাপতিসাহোন বহাগ বিহু, ঈদ আৰু মহা অম্বুবাচী মেলা।
এই সন্দৰ্ভত কেনেদৰে দুৰ্গা পুজা আয়োজন কৰিব তাক লৈ উদযাপন সমিতি সমূহলৈ বিশেষ আহ্বান জনাইছে মন্ত্ৰী হিমন্ত বিশ্ব শৰ্মাই।
বৃহস্পতিবাৰে GMCH ত সেনাৰ প্লাজমা দান কাৰ্য্যসূচীত অংশগ্ৰহণ কৰি মন্ত্ৰীগৰাকীয়ে দুৰ্গা পুজা উদযাপন সন্দৰ্ভত কয়, ‘কিবা নহয় কিবা প্ৰকাৰে পূজাটো হ’ব। যদি মানুহে স্বেচ্ছাই মানি চলে তেতিয়াহ’লে সংক্রমণ কম হ’ব।‘
‘মানুহে যদি নামানে. বিহুও নহ’ল, অম্বুবাচীও নহ’ল পুজাটো পালন কৰিম বুলি ভাবিছে তেতিয়া আমি কি ক’ম মানুহক যে যেনেকৈ বিহুটো অনুষ্টুপীয়াকৈ উদযাপন কৰিলে পুজাটোও কেৱল ধৰ্মীয় ৰীতি-নীতি মানিহে কৰক।‘ মন্ত্ৰীগৰাকীয়ে আহ্বান জনাই কয়।
ইপিনে, ‘হাজাৰ হাজাৰ পূজাৰ পেণ্ডেল আছে, কিমানক বুজাম কিমানে শুনিব?’ বুলি মন্ত্ৰীগৰাকীয়ে প্ৰশ্ন কৰি লগতে কয়, ‘সেয়েহে যদি অকল ধৰ্মীয় ৰীতি নীতি মানি পুজা অনুষ্ঠিত কৰে তেতিয়া কোভিডৰ সংক্ৰমণ কমিব।যদি মানুহে মুকলি হৈ যায় আৰু উলহ-মালহৰে পুজা অনুষ্ঠিত কৰিম বুলি ভাবে তেন্তে দিগদাৰ হ’ব।‘
You may also like
আধাৰ সংলগ্ন কৰাৰ অন্তিম দিনৰ সীমা পিছুৱাব চৰকাৰে
চৰকাৰৰ দ্বাৰা ঘোষিত বা প্ৰচলিত বিভিন্ন সেৱা আৰু কল্যাণমূলক আঁচনিবোৰৰ সুবিধা পোৱাৰ ক্ষেত্ৰত আধাৰ বাধ্যতামূলকভাৱে সংলগ্ন কৰাৰ যি অন্তিম সময়সীমা আছিল সেই…
তামিলনাডুত নিয়ন্ত্ৰণ হেৰুৱাই খাৱৈত পৰিল বাছ; ৫জন লোকৰ মৃত্যু আৰু আঘাতপ্ৰাপ্ত ৪৫ গৰাকী যাত্ৰী
তামিলনাডুৰ এটা পাহাৰীয়া পথত ৫৬ জন যাত্ৰী লৈ গন্তব্যস্থানৰ দিশে গৈ আছিল এখন ব্যক্তিগত বাছ। কিন্তু গন্তব্য স্থান পোৱাৰ আগতেই বাছখন নিয়ন্ত্ৰণ…
এজন ১৪ বছৰীয়া ছাত্ৰৰ মৃত্যুত কোকিলাত শোকৰ ছা
বঙাইগাঁও জিলাৰ কোকিলা আৰক্ষী নিৰক্ষীণ চকীৰ অন্তৰ্গত চাকলাত এগৰাকী মেধাসম্পন্ন কিশোৰ ছাত্ৰৰ মৃত্যুৱে অঞ্চলব্যাপি শোকৰ ছা পৰিছে। নাম্বাৰপাৰা-চাকলা গাঁও পঞ্চায়তৰ প্ৰাক্তন সভাপতি…
কাজিৰঙাত বিশ্ব জৈৱ-বৈচিত্ৰ্য দিৱস উদযাপন কৰবেট ফাউণ্ডেইশ্যন আৰু সেউজ বাৰ্তাৰ
দেশৰ বিভিন্ন প্ৰান্তৰ লগতে বিশ্ব ঐতিহ্য ক্ষেত্ৰ কাজিৰঙাতো ২২ মে’ত ২৫ সংখ্যক বিশ্ব জৈৱ-বৈচিত্ৰ্য দিৱস কৰবেট ফাউণ্ডেইশ্যন আৰু সেউজ বাৰ্তাৰ উদ্যোগত উদযাপন…