Flood in Assam: কলাইগাঁওত বানে উটুৱাই নিলে কলাইগাঁও-ওদালগুৰি সংযোগী পথ; জিলা সদৰৰ লগত যোগাযোগ ব্যাহত

ওদালগুৰি জিলাৰ কলাইগাঁও’ত বানপানীয়ে ভয়াবহ ৰূপ ধাৰণ কৰিছে।

বিগত এসপ্তাহ ধৰি নেৰানেপেৰা বৰষুণ হৈ থকাৰ ফলত কলাইগাঁওৰ উপনৈ সমূহৰ পানী ফেনেফোটোকাৰে বাঢ়ি অহাৰ ফলত কলাইগাঁও ৰাজহ চক্ৰ কাৰ্য্যালয়ৰ অন্তৰ্গত বিস্তৃৰ্ণ এলেকা প্লাৱিত কৰি তুলিছে।

লগতে পঢ়ক: Assam flood তামুলপুৰ অঘটন, মাছ মাৰিবলৈ গৈ পানীত পৰি এজনৰ মৃত্যু

কলাইগাঁও চহৰকে ধৰি খাপ্তাহোলা, চিন্তাগাঁও, চিংৰিমাৰী,বটিয়ামাৰি, তেজিয়াল পাৰা, মাজৰচোৱা আদি গাঁৱত বাঢ়নী পানীয়ে ভয়াবহ ৰূপ ধাৰণ কৰিছে।

ইপিনে, আজি ৰাতিপুৱা কলাইগাঁও-ওদালগুৰি পথৰ মাজৰচোৱাত পথটো বাঢ়নী পানীৰে খহাই নিয়াৰ লগতে কালভাৰ্টটোও পানীয়ে উটুৱাই নিয়ে।যাৰ ফলত জিলা সদৰ ওদালগুৰি চহৰৰ লগত কলাইগাঁও চহৰৰ যাতায়ত ব্যৱস্থা সম্পূৰ্ণৰূপে ব্যহত হৈ পৰিছে।