World Heart Day 2023: কম বয়সতে হাৰ্ট এটেকৰ আঁৰত এটা ডাঙৰ ৰোগ! কি কয় চিকিৎসকে?

প্ৰতি বছৰে ২৯ ছেপ্টেম্বৰত বিশ্ব হৃদ দিৱস পালন কৰা হয়। এই দিৱস বিশেষভাৱে পালন কৰি হৃদৰোগ সম্পৰ্কে বিভিন্ন সজাগতা সৃষ্টি কৰা হয়। শেহতীয়াকৈ যুৱক-যুৱতীসকলৰ মাজতো হাৰ্ট এটেকৰ প্ৰৱণতা দেখা গৈছে।

স্বাভাৱিক হাৰ্ট এটেকৰ উপৰিও কিছুমান অস্বাভাৱিক হাৰ্ট এটেকৰ ঘটনাই উদ্বেগৰ সষ্টি কৰিছে। চিকিৎসকসকলে এনে কিছুমান হাৰ্ট এটেকৰ বিষয়ে কয়।

এই তালিকাত নিৰৱ মায়োকাৰ্ডিয়াল ইনফাৰ্কচনৰ দৰে গুৰুতৰ হৃদৰোগক অন্তৰ্ভুক্ত কৰা হৈছে। লগতে, ইয়াৰ লগত কিছুমান অস্বাভাৱিক হাৰ্ট এটেকৰ লক্ষণ জড়িত হৈ থাকে। চিকিৎসকৰ মতে ইয়াৰ বাবে বিশেষভাৱে আন এটা ৰোগ দায়ী।

সেই ৰোগটো হ’ল ডায়েবেটিছ। বিশ্বৰ ৪২ কোটি লোক এই ৰোগত আক্ৰান্ত। তেজৰ ছুগাৰৰ পৰিমাণ নিয়ন্ত্ৰণত নাথাকিলে হৃদযন্ত্ৰৰ ওপৰত চাপ পৰে। আৰু তাৰ পৰাই হাৰ্ট এটেকৰ প্ৰৱণতা বাঢ়িছে।

চাইলেণ্ট মায়োকাৰ্ডিয়াল ইনফাৰ্কচনৰ সাধাৰণতে কোনো লক্ষণ দেখা নাযায়। হাৰ্ট এটেকৰ সময়ত বিপদৰ কথা বুজি পোৱা নাযায়। বৰঞ্চ আক্ৰান্ত পিছতহে  সেয়া ধৰা পৰে।

এই গুৰুতৰ হৃদৰোগৰ পৰা হাত সাৰিবলৈ তেজৰ ছুগাৰৰ পৰিমাণ নিয়ন্ত্ৰণত ৰাখিবলৈ পৰামৰ্শ দিয়ে চিকিৎসকে। চিকিৎসকৰ মতে নিয়মীয়াকৈ ছুগাৰ পৰীক্ষা, খাদ্য নিয়ন্ত্ৰণৰ জৰিয়তে হৃদযন্ত্ৰৰ যত্ন ল’ব লাগে। ছুগাৰ নিয়ন্ত্ৰণত থাকিলে বহু সমস্যাৰ পৰা হাত সাৰিব পাৰি।