পঞ্চভূতত বিলীন হ’ল বৰপেটা সত্ৰৰ বুঢ়াসত্ৰীয়া বশিষ্ঠ দেৱ শৰ্মা; লোকে লোকাৰণ্য বৰপেটা

কেইবাগৰাকী সত্ৰাধিকাৰৰ লগতে মুখ্যমন্ত্ৰী ড° হিমন্ত বিশ্ব শৰ্মাসহ কেইবা গৰাকী মন্ত্ৰী, সাংসদ বিধায়ক বিশিষ্ট ব্যক্তিয়ে আজি শেষ শ্ৰদ্ধা জনায় বুঢ়াসত্ৰীয়া বশিষ্ঠ দেৱ শৰ্মাক।

বৰপেটা সত্ৰৰ সমীপৰ অস্থায়ী বাছ আস্থানত থকা বুঢ়া সত্ৰীয়া বশিষ্ঠ দেৱ শৰ্মাৰ নশ্বৰদেহত শেষ শ্ৰদ্ধা জনোৱাৰ লগতে আৰক্ষীৰ লোকে ২১ জাই গুলী ফুটাই চেল্যুট প্ৰদৰ্শন কৰে ৷

ইয়াৰ পিছতে গায়ন-বায়ন সহ ভকতসকলে নাম গাই বুঢ়া সত্ৰীয়া গৰাকীৰ নশ্বৰদেহ সত্ৰৰ তিনিওটা বাটচ’ৰালৈ নি সন্মান প্ৰদৰ্শন কৰে ৷

বুঢ়া সত্ৰীয়া গৰাকীৰ নশ্বৰদেহ সত্ৰৰ চাৰিওফালে তিনিবাৰ প্ৰদক্ষিণ কৰি সত্ৰৰ খটখটিৰ সমীপলৈ লৈ যায় ৷ এই ঠাইতে বশিষ্ঠ দেৱ শৰ্মাৰ অন্ত্যেষ্টক্ৰিয়া সম্পন্ন কৰে৷ এইদৰে পঞ্চভূতত বিলীন হৈ গ’ল সত্ৰীয়া সংস্কৃতিৰ অন্যতম কাণ্ডাৰী তথা বৰপেটা সত্ৰৰ বুঢ়া সত্ৰীয়া বশিষ্ঠ দেৱ শৰ্মা…….।

বুঢ়া সত্ৰীয়া বশিষ্ঠ দেৱ শৰ্মাক শেষ শ্ৰদ্ধা জনাবলৈ সত্ৰত আজি অজস্ৰ লোকৰ ভিৰ পৰিলক্ষিত হয়৷