ৰাষ্ট্ৰীয় প্ৰেছ দিৱসৰ দিনাই সাংবাদিকক দুৰ্ব্যৱহাৰ : বন্দুক উলিয়াই গুলীওৱাৰ ভাবুকি আৰক্ষী জোৱানৰ

ৰাষ্ট্ৰীয়  প্ৰেছ দিৱসৰ দিনাই নাজিৰাৰ অ এন জি চি অসম সম্পদৰ প্ৰৱেশ দুৱাৰত সাংবাদিকক প্ৰাণে মৰাৰ ভাবুকি দিয়ে এজন নিৰাপত্তাৰক্ষীয়ে।

প্ৰাপ্ত তথ্য অনুসৰি নাজিৰাৰ সংবাদকৰ্মী জাকিৰ আখতাৰ হুচেইন আৰু দুজন সংবাদকৰ্মীক অসম সম্পদৰ আবাসিক এলেকাত সাংবাদিকৰ বৈধ নথি থকা স্বত্তেও প্ৰৱেশ কৰাত বাধা দিয়াৰ লগতে অশ্লীল ভাষাৰে গালি গালাজ কৰি অসম বেটেলিয়ানৰ এজন আৰক্ষী ভাস্কৰ গগৈয়ে নিজৰ চাৰ্ভিচ বন্ধুকেৰে সাংবাদিক কেইজনক প্ৰাণে মৰাৰ ভাবুকি দিয়ে নিৰাপত্তাৰক্ষীয়ে।

বন্দুক ক’ক কৰি সাংবাদিকলৈ টোৱাই হত্যাৰ ভাবুকি দিয়ে ভাস্কৰ গগৈয়ে। লগতে আন এজন আৰক্ষীয়ে বিভিন্ন অশ্লীল ভাষাৰে সাংবাদিক দুজনক তিৰস্কাৰ কৰে।

ইয়াৰ পিছতেই নাজিৰাৰ সকলো সংবাদকৰ্মীয়ে অ এন জি চি অসম সম্পদৰ প্ৰৱেশ দুৱাৰত সাব্যস্ত কৰে।

কেইবা ঘণ্টা ধৰি অসম সম্পদৰ আৱাসিক এলেকাৰ সন্মুখত প্ৰতিবাদ কৰাৰ পাছত নাজিৰা মহকুমা প্ৰশাসনৰ ব্যক্তি আহি পৰিস্থিতিৰ বুজ লয়।

নাজিৰাৰ সাংবাদিক সকলে উক্ত বিষয়টোৰ লিখিত অভিযোগ দাখিল কৰে নাজিৰা আৰক্ষী প্ৰশাসনক।