এইখন ৰাজ্যত মদ্যপান কৰা লোক আটাইতকৈ বেছি; মহিলাৰ আছে নিচাৰ ওপৰত অধিক নিয়ন্ত্ৰণ

মদ খোৱাটো স্বাস্থ্যৰ পক্ষে ক্ষতিকাৰক যদিও আপুনি হয়তো বহুলোকক সেয়া পুৰুষেই হওক বা নাৰীয়েই হওক, মদ্যপান কৰি ৰাস্তাত বা ঘৰত কাজিয়া কৰা নিশ্চয় দেখা পাইছে।

সাধাৰণতে বহুতেই ভাৱে যে পঞ্জাৱত লোকে অধিক মদ্যপান কৰে, কিন্তু আপুনি জানি আচৰিত হ’ব যে আটাইতকৈ অধিক মদ্যপান কৰা ৰাজ্য পঞ্জাৱ নহয়, ত্ৰিপুৰাহে।

এক সমীক্ষা অনুসৰি, ত্ৰিপুৰাত ৬২ শতাংশ লোকে মদ সেৱন কৰে। আনহাতে, ছত্তীশগড়ত ৫৭.২ শতাংশ আৰু পঞ্জাৱত ৫১.৭০শতাংশ লোকে মদ্যপান কৰে।

বিহাৰ আৰু গুজৰাটত মদ সম্পূৰ্ণৰূপে নিষিদ্ধ। সেয়েহে এই ৰাজ্য দুখনক বাদ দি ৰাজস্থান আৰু মেঘালয়ত আছে আটাইতকৈ কম মদ্যপান কৰা লোক।

ৰাজস্থানত ২.১ শতাংশ আৰু মেঘালয়ত ৩.৪ শতাংশ লোকে মদ্যপান কৰে।

মদ্যপান কৰি কাজিয়া কৰাৰ ক্ষেত্ৰত দেখা গৈছে যে পুৰুষৰ তুলনাত মহিলাৰ মদৰ নিচাৰ ওপৰত অধিক নিয়ন্ত্ৰণ আছে। এইক্ষেত্ৰত পুৰুষসকল সচেতন নহয়। সেয়েহে প্ৰায়েই মদ্যপান কৰাৰ পাছত তেওঁলোক হিংস্ৰ হৈ পৰে।

সমীক্ষাত পোৱা গৈছে যে মদ্যপান কৰা প্ৰতি পাঁচজনৰ মাজৰ এজন ব্যক্তি আসক্ত হয় য’ত মদ্যপান কৰা প্ৰতি ১৬জনী মহিলাৰ এজনী আসক্ত থাকে।

আমাৰ দেশৰ প্ৰায় ১৬ কোটি লোকে মদ সেৱন কৰে যাৰ ভিতৰত আছে ১৮ৰ পৰা ৪৯বছৰ বয়সৰ ভিতৰৰ ৯৫ শতাংশ পুৰুষ।

সমীক্ষা অনুসৰি, ২৭.৩০ শতাংশ পুৰুষৰ মাজত মদ সেৱনৰ অভ্যাস আছে যিটো মহিলাৰ ক্ষেত্ৰত ১.৬০ শতাংশ।

মদ সেৱন কৰা লোকৰ লিংগ অনুপাত চালে দেখা যায় যে প্ৰতি ১৭জন পুৰুষৰ বিপৰীতে এজনী মহিলা আছে।