আজি ৰাজ্যজুৰি বিদ্যাৰ অধিষ্ঠাত্ৰী দেৱী সৰস্বতী পূজাৰ আয়োজন; শিক্ষাৰ্থীসকলৰ মাজত ব্যাপক উৎসাহ

আজি সমগ্ৰ ৰাজ্য বাগদেৱী সৰস্বতীৰ বন্দনাৰে মুখৰিত হৈ পৰিছে। বিভিন্ন শিক্ষানুষ্ঠানত বিদ্যাৰ অধিষ্ঠাত্ৰী দেৱী সৰস্বতীৰ পূজাৰ আয়োজন কৰা হৈছে।

কৰ’নাৰ শংকা আৰু বতৰৰ প্ৰতিকূলতাৰ মাজতো বিদ্যালয়-মহাবিদ্যালয়সমূহত সৰস্বতী পূজা অনুষ্ঠিত কৰা হৈছে।

শনিবাৰে পুৱাৰে পৰা শিক্ষানুষ্ঠানসমূহত শিক্ষাৰ্থীসকল সৰস্বতীৰ আৰাধনাৰ বাবে আহি উপস্থিত হৈছে।

মহানগৰীতো বৰ উলহ-মালহেৰে বাগদেৱীৰ পূজাৰ আয়োজ কৰা হৈছে। বিশেষকৈ শিক্ষানুষ্ঠানসমূহৰ চৌহদত শিক্ষাৰ্থীসকলে সাজি কাছি আহি পূজাৰ আয়োজনত ব্যস্ত হোৱা দেখা গৈছে।

লগতে পঢ়ক:ধনী ভিক্ষাৰী! মহিলা ভিক্ষাৰীৰ বেংক একাউন্টত ওলাইছে লাখ লাখ টকা; ৰহস্যটোনো কি?

উল্লেখ্য যে যোৱা বছৰো কৰ’না পৰিস্থিতিৰ বাবে শিক্ষানুষ্ঠানসমূহত সৰস্বতী পূজা অনুষ্ঠিত কৰিব পৰা হোৱা নাছিল।

কালিৰে পৰা সেমেকা বতৰ আৰু শীত প্ৰবাহৰ বাবে উৎসাহ যথেষ্ট ম্লান হৈ পৰিছিল যদিও আজি পুৱাৰে পৰা বতৰ কিছু ফৰকাল হোৱাত ছাত্ৰ-ছাত্ৰীসকলৰ মাজত যথেষ্ট উৎসাহ দেখা গৈছে।

সৰস্বতী দেৱীৰ আৰাধনাৰে শিক্ষা জীৱন আগবঢ়াই নিয়াৰ আশিস লৈ শিক্ষাৰ্থীসকলে নতুনকৈ উজ্জীৱিত হোৱা দেখা গৈছে।