ক’ৰ’নাতংকৰ মাজতে আজিৰ পৰা আৰম্ভ হ’ব এখন ৰোমাঞ্চকৰ ক্ৰিকেট টুৰ্ণামেণ্ট

চীনৰ পৰা বিশ্বৰ সকলো প্ৰান্তলৈ সংক্ৰমণ ঘটা ক’ৰ’না ভাইৰাছৰ বাবে দীৰ্ঘদিন ধৰি বন্ধ হৈ থকা ক্ৰিকেট খেল আজিৰ পৰা পুনৰ এবাৰ আৰম্ভ হ’ব।

প্ৰাপ্ত খবৰ অনুসৰি আজিৰ পৰা ভিন্সি প্ৰীমিয়াৰ টি-১০ লীগ(ভি পি এল) আৰম্ভ হ’ব। প্ৰতিযোগিতাখন অহা ৩১ মে’লৈকে চলিব।

আজি পূব কেৰিবিয়ান দেশ চেণ্ট ভিন্সেণ্ট আৰু দ্যা গ্ৰেণাডাইন্সৰ মাজত অনুষ্ঠিত হ’ব টুৰ্ণামেণ্টখনৰ প্ৰথমখন মেচ।

ক’ৰ’নাৰ সংক্ৰমণে সকলোকে শংকিত কৰি তোলাৰ সময়তে আয়োজিত এই টুৰ্ণামেণ্টখনৰ আটাইতকৈ আশ্বৰ্যকৰ বিষয়টো হ’ল যে মেচ উপভোগ কৰিবলৈ ষ্টেডিয়ামলৈ আহিব পাৰিব দৰ্শক।

৬ টা দলৰ মাজত মুঠ ২৮ খন মেচ ১০ দিনীয়া এই টুৰ্ণামেণ্টখনত খেলা যাব। অৰ্থাৎ প্ৰতিদিনে তিনিখনকৈ মেচ হ’ব।

ভাৰতীয় সময় অনুসৰি সন্ধিয়া ৬ বডজাৰ পৰা নিশা ১০.৩০ বজাৰ ভিতৰত অনুষ্ঠিত হ’ব মেচ কেইখন।

জানিব পৰা মতে এই টুৰ্ণামেণ্টখনত ৱেষ্ট ইণ্ডিজৰ সুনীল আম্ব্ৰীছ, কেছৰিক উইলিয়ামছ আৰু ওৱেড মেকাইৰ লগতে ছয়গৰাকী আন্তঃৰাষ্ট্ৰীয় ক্ৰিকেটাৰে অংশ ল’ব।