গৰ্ভৱতী হোৱাৰ বাবে বিয়াত বহা নাছিল অভিনেত্ৰী দিয়া মিৰ্জাই, ইনষ্টাগ্ৰামত জনালে এই কথা

গৰ্ভধাৰণ কৰাৰ বাবে বিয়াত বহা নাই অভিনেত্ৰী দিয়া মিৰ্জা।

দিয়াই ইনষ্ট্ৰাগ্ৰামযোগে জনাইছে এই কথা।

৩৯ বৰ্ষীয়া অভিনেত্ৰীগৰাকীয়ে ফেব্ৰুৱাৰী মাহত ব্যৱসায়ী বৈভৱ ৰেখীৰ স’তে বিবাহপাশত আৱদ্ধ হৈছিল।

বিয়াৰ পাছতে যোৱা সপ্তাহত দম্পত্তিটোৱে মালদ্বীপ ভ্ৰমণ কৰে আৰু তাত অভিনেত্ৰীগৰাকীয়ে নিজৰ গৰ্ভাৱস্থাৰ কথা জনায়।

ইনষ্টাগ্ৰামত তেওঁৰ গৰ্ভাৱস্থাৰ ফটো প’ষ্ট কৰাৰ পাছতে তেওঁৰ অনুৰাগী এজনে সোধে যে বিয়াৰ পূৰ্বে কিয় গৰ্ভাৱস্থাৰ কথা জনোৱা হোৱা নাছিল।

অনুৰাগীজনৰ প্ৰশ্নৰ উত্তৰত অভিনেত্ৰীগৰাকীয়ে কয় যে চিকিৎসাজনীত কাৰণত এই বিষয়ে জনোৱা হোৱা নাছিল।

তদুপৰি গৰ্ভাৱস্থাৰ স’তে বিবাহৰ সময়ৰ কোনো সম্পৰ্ক নাই বুলিও তেওঁ জনায়।

অনুৰাগীজনে সুধিছিল যে অভিনেত্ৰীগৰাকীয়ে নিজৰ বিবাহত এগৰাকী মহিলা পুৰোহিতৰ দ্বাৰা হোমজজ্ঞ অনুষ্ঠিত কৰোৱাই সাহসী পদক্ষেপ লৈছিল, সেয়ে বিবাহৰ পূৰ্বে কিয় নিজৰ গৰ্ভাৱস্থাৰ ঘোষণা কৰিব নোৱাৰিলে?

অভিনেত্ৰীগৰাকীয়ে উত্তৰত কয় যে তেওঁলোকৰ সন্তানৰ গৰ্ভাৱস্থাৰ বাবে তেওঁলোক বিবাহপাশত আৱদ্ধ হোৱা নাই, তেওঁলোকে একেলগে দুয়োৰে জীৱন কটাবলৈহে বিবাহপাশত আৱদ্ধ হৈছে।

 

View this post on Instagram

 

A post shared by Dia Mirza (@diamirzaofficial)

তেওঁ কয় যে বিবাহৰ পৰিকল্পনা চলি থাকোতেহে জ্ঞাত হয় যে তেওঁ গৰ্ভৱতী আৰু চিকিৎসাজনিত কাৰণত ইয়াক ততালিকে ঘোষণা কৰা হোৱা নাছিল।

”এইটো মোৰ জীৱনৰ আটাইতকৈ সুখী বাতিৰ। বহু বছৰ ধৰি মই ইয়াৰ বাবে অপেক্ষা কৰি আছিলো। চিকিৎসাজনিত কাৰণৰ বাদে আন একো কাৰণত মই ইয়াক লুকুৱাই নাৰাখিলোহেঁতেন।”- অভিনেত্ৰীগৰাকীয়ে কয়।

উল্লেখযোগ্য যে ইয়াৰ পূৰ্বে দিয়া মিৰ্জা বিবাহপাশত আৱদ্ধ হৈছিল ছাহিল সংঘৰ সৈতে।

তেওঁলোকৰ ১১ বছৰীয়া সংসাৰখন অন্ত পৰে ২০১৯ চনত।

 

View this post on Instagram

 

A post shared by Dia Mirza (@diamirzaofficial)

১৫ ফেব্ৰুৱাৰীত অভিনেত্ৰীগৰাকীয়ে অনুষ্টুপিয়াকৈ ব্যৱসায়ী বৈভৱ ৰেখিৰ স’তে দ্বিতীয়বাৰৰ বাবে যুগ্ম জীৱনৰ পাতনি মেলে।

বলিউডৰ এগৰাকী জনপ্ৰিয় অভিনেত্ৰী দিয়া মিৰ্জাই ‘ৰেহনা হ্যে তেৰে দিল মে’, ‘সঞ্জু’, ‘ডাম’, ‘ডাচ’, ‘মাই ব্ৰাডাৰ… নিখিল’কে ধৰি কেইবাখনো হিট ছৱিত অভিনয় কৰিছে।

তেওঁৰ শেহতীয়া ছৱিখন হৈছে ২০২০ চনৰ ‘থাপ্পাড়’।