দৰঙত আৰক্ষীৰ জালত তিনিজনকৈ দুৰ্ধৰ্ষ চোৰাংচিকাৰী; অস্ত্ৰ-শস্ত্ৰ উদ্ধাৰ
দৰং আৰক্ষীয়ে বুধবাৰে পুৱতি নিশা অঞ্চলটোৰ দুটা পৃথক স্থানত অভিযান চলাই অস্ত্ৰ-শস্ত্ৰসহ তিনিজনকৈ দুৰ্ধৰ্ষ চোৰাংচিকাৰীক আটক কৰিবলৈ সক্ষম হয়।
ইয়াৰে প্ৰথমটো অভিযানত দৰং আৰক্ষীৰ উপ-আৰক্ষী অধীক্ষক মামণি হাজৰিকা, উপ-পৰিদৰ্শক টুইংকল গোস্বামীৰ নেতৃত্বত যোৱা এটা আৰক্ষীৰ দলে জাকিৰ হুছেইন নামৰ এটা দুৰ্ধৰ্ষ চোৰাংচিকাৰীক আটক কৰে।
লগতে আৰক্ষীৰ দলটোৱে ধৃত জাকিৰ হুছেইনৰ ঘৰৰ পৰা দুটা কৈ হস্তনিৰ্মিত ৰাইফল আৰু ৯ ৰাউণ্ড সজীৱ গুলী উদ্ধাৰ কৰে।
আটকাধীন জাকিৰ হুছেইন ওৰাং ৰাষ্ট্ৰীয় উদ্যানৰ সমীপৰ শ্যামপুৰ আৰক্ষী চকীৰ অন্তৰ্গত জগুৱাৰ চাপৰিৰ নিৱাসী বুলি জানিব পৰা গৈছে।
আনহাতে দৰং জিলাৰ শিলবৰী আৰক্ষী চকীৰ ভাৰপ্ৰাপ্ত আৰক্ষী বিষয়াৰ নেতৃত্বত চলোৱা আনটো অভিযানত আৰক্ষীৰ দলটোৱে দুজনকৈ চোৰাংচিকাৰীক আটক কৰিবলৈ সক্ষম হয়।
আটকাধীন চোৰাংচিকাৰী কেইজনক হাৰমতিৰ জালালুদ্দিন আৰু লামডিঙৰ নুৰ ইছলাম বুলি চিনাক্ত কৰা হৈছে। আৰক্ষীয়ে আভিযানকালত তেওঁলোকৰ পৰা এটা পিষ্টল আৰু চাৰি ৰাউণ্ড সজীৱ গুলী উদ্ধাৰ কৰে।
You may also like
Malnourished Children উপায়ুক্তৰ তৎপৰতা: ধুবুৰীত পুষ্টিহীন শিশুৰ দায়িত্ব ল’ব চৰকাৰী বিভাগ-বিষয়াই
Malnourished Children ধুবুৰী জিলাৰ বিভিন্ন বিভাগ আৰু জিলাখনত কৰ্মৰত একাংশ বিষয়াই জিলাখনৰ পুষ্টিহীন শিশুসকলৰ দায়িত্ব লৈ তেওঁলোকক সুস্থ কৰি তুলিব৷ শনিবাৰে ধুবুৰীৰ…
ৰাজধানী এক্সপ্ৰেছ, শতাব্দীৰ ভাড়া বৃদ্ধি; আগবঢ়োৱা হ’ব থলুৱা জুতিৰ লঘু আহাৰ
ৰাজধানী এক্সপ্ৰেছ, শতাব্দী এক্সপ্ৰেছ আৰু দুৰন্ত ৰে’লত ভ্ৰমণ অধিক খৰচী হৈ পৰিল। ৰেইলৱে বোৰ্ডে খাদ্যৰ (এই ৰে’লসমূহত যাত্ৰা কৰা যাত্ৰীৰ বাবে) দৰ…
অনুসূচিত জাতি ছাত্ৰ সন্থাৰ উদ্যোগত শিৱসাগৰৰ বেতবাৰীত বিনামূলীয়া স্বাস্থ্য পৰীক্ষা শিবিৰ
দেওবাৰে শিৱসাগৰ জিলা অনুসূচিত জাতি ছাত্ৰ সন্থাৰ বেতবাৰী আঞ্চলিকৰ উদ্যোগত আৰু বেচৰকাৰী সংস্থা “ছেপ” তথা জিলা স্বাস্থ্য সেৱা বিভাগৰ ভ্ৰাম্যমান চিকিৎসক দলৰ…
নদীৰ পোহৰ আৰু ৰঙা মাটিৰ মিতিৰালি: বিশ্বভাৰতীত প্ৰদৰ্শিত হৈছে বৰেণ্য শিল্পী বেণু মিশ্ৰৰ জীৱনজোৰা কৃতি
বিশ্ব ঐতিহ্যক্ষেত্ৰ শান্তিনিকেতনৰ বিশ্বভাৰতী বিশ্ববিদ্যালয়ৰ কলাভৱনত আজিৰে পৰা অসম তথা দেশৰ বৰেণ্য শিল্পী বেণু মিশ্ৰৰ এক বিশেষ মৰণোত্তৰ কলা প্ৰদৰ্শনী আৰম্ভ হৈছে।…