তিনিচুকীয়াত বাছৰ সৈতে এম্বুলেঞ্চৰ মুখামুখি সংঘৰ্ষ; থিতাতে ৩ জন নিহত, কেইবাজনো আহত

তিনিচুকীয়া জিলাৰ মাকুমত মঙলবাৰে পুৱা (২৫ নৱেম্বৰ) সংঘটিত এক শোকাৱহ পথ দুৰ্ঘটনাত কমেও তিনিজন লোকৰ মৃত্যু হয়।

শুকানপুখুৰী অঞ্চলত নিশাৰ চুপাৰ বাছ আৰু এম্বুলেন্সৰ মুখামুখিকৈ ​​ঘটা ভয়াৱহ সংঘৰ্ষৰ ফলত এম্বুলেন্সখন সম্পূৰ্ণৰূপে ছিন্নভিন্ন হৈ পৰে।

এম্বুলেন্সত থকা তিনিজন লোকৰ থিতাতে মৃত্যু হোৱাৰ বিপৰীতে কেইবাজনো লোক আহত হয়। আহতসকলক ততাতৈয়াকৈ চিকিৎসাৰ বাবে ওচৰৰ চিকিৎসালয়লৈ প্ৰেৰণ কৰা হয়।

বিষয়াসকলে জনোৱা মতে, মৃত লোককেইজনৰ পৰিচয় এতিয়াও নিশ্চিত হোৱা নাই। প্ৰাথমিক তথ্য অনুসৰি দুৰ্ঘটনাৰ সময়ত এম্বুলেন্সখনত ৭ জন যাত্ৰী আছিল।

ইতিমধ্যে আৰক্ষীৰ দল ঘটনাস্থলীত উপস্থিত হৈ দুৰ্ঘটনাৰ প্ৰকৃত কাৰণ জানিবলৈ তদন্ত অব্যাহত ৰাখিছে।