গোলাঘাটৰ বগৰীজেং নৰাগাঁৱত বাঘৰ মুক্ত বিচৰণ : সন্ত্ৰস্ত স্থানীয় ৰাইজ

গোলাঘাট চহৰৰ দাঁতিকাষৰীয়া বগৰীজেং নৰাগাৱঁত দিন দুপৰতেই এটা নাহৰফুটুকী বাঘে মুক্ত বিচৰণ কৰি আছে।

বনৰজাৰ এই বিচৰণত সমগ্ৰ অঞ্চলটোত এতিয়া আতংকময় পৰিস্থিতিয়ে বিৰাজ কৰিছে।

উল্লেখ্য যে এই গাওঁখনত প্ৰায়ে বাঘে সন্ত্ৰাস চলোৱাৰ খবৰ পোৱা যায়। বাঘৰ বাবেই যেন বিখ্যাত হৈ পৰিছে এই বৃহৎ গাওঁখন।

গাঁওখনৰ সমীপৱৰ্তী এলেকাত দিনৰ ভাগতে বাঘৰ এনে মুক্ত বিচৰণত এতিয়া ত্ৰস্তমান হৈ পৰিছে গাওঁবাসী।

স্মৰ্তব্য যে কিছুমাহ পূৰ্বে এই গাঁওতে বাঘে ঘৰচীয়া জীৱ-জন্তু ধৰি ত্ৰাসৰ সৃষ্টি কৰিছিল।

অৱশ্যে বনবিভাগৰ সহযোগত অৱশেষত পিঞ্জৰাবদ্ধ কৰিবলৈ সক্ষম হৈছিল এটা প্ৰকাণ্ড নাহৰফুটুকী বাঘ।