মেঘালয়ৰ পৰা অপহৃত দুগৰাকী নাবালিকাক অসমৰ পৰা উদ্ধাৰ

kidnapped minor girls: অভিযোগ অনুসৰি মেঘালয়ৰ পৰা অপহৰণ কৰা দুগৰাকী নাবালিকাক অসমৰ পৰা উদ্ধাৰ কৰা হৈছে।

নাবালিকা দুগৰাকী মেঘালয়ৰ পূব জয়ন্তীয়া পাহাৰ জিলাৰ বাসিন্দা।

অসমৰ কাছাৰ জিলাৰ কালাইন নগৰৰ পৰা ছোৱালী দুজনীক উদ্ধাৰ কৰা হয়।

এই ঘটনাৰ সৈতে জড়িত দুজন লোকক গ্ৰেপ্তাৰ কৰা হৈছে।

অসম আৰক্ষীৰ সহযোগত মেঘালয় আৰক্ষীয়ে এই ঘটনাৰ এক অনুসন্ধান চলাইছিল।

গ্ৰেপ্তাৰ হোৱা অপৰাধী দুজনক ছাইদুল ইছলাম আৰু ৰাজু বুলি চিনাক্ত কৰা হৈছে।

আৰক্ষীয়ে জানিবলৈ দিয়ে যে অভিযুক্ত দুজনে প্ৰথমতে নাবালিকা দুগৰাকীৰ সৈতে বন্ধুত্ব গঢ়ি তাৰপাছত তেওঁলোকক অপহৰণ কৰে।

আনহাতে, উদ্ধাৰ কৰা নাবালিকা দুগৰাকীক আৰক্ষীয়ে পূব জয়ন্তীয়া পাহাৰলৈ ওভতাই নিছে।

ছোৱালী দুগৰাকীক আনুষ্ঠানিক প্ৰক্ৰিয়াৰ সম্পন্ন কৰাৰ পাছত শিশু কল্যাণ সমিতিক গতাই দিয়া হয়।