অসমত ক’ভিডত আৰু দুগৰাকীৰ মৃত্যু, মুঠ ৬৬লৈ বৃদ্ধি

দুগৰাকী ক’ভিড ৰোগীয়ে বুধবাৰে অসমত প্ৰাণ হেৰুৱাইছে আৰু ৰাজ্যত মুঠ মৃতকৰ সংখ্যা ৬৬লৈ বৃদ্ধি পাইছে।

বুধবাৰে মৃত্যু হোৱা ব্যক্তি দুগৰাকী হৈছে যোৰহাটৰ আলোক ঘোষ (৫৪) আৰু কামৰূপ মহানগৰৰ হৰেন বড়ো (৪৭)।

স্বাস্থ্য মন্ত্ৰী হিমন্ত বিশ্ব শৰ্মাই টুইটাৰত এই তথ্য সদৰী কৰিছে।

Two more patients Alok Ghosh (54, Jorhat) and Haren Boron (47, Kamrup Metro), lost the battle against #COVID19 today taking total death count in Assam to 66.

My thoughts and prayers are with their families.

— Himanta Biswa Sarma (@himantabiswa) July 22, 2020

অসমত মঙলবাৰলৈকে ৬৪গৰাকী লোকে ক’ভিডত প্ৰাণ হেৰুওৱাৰ বিপৰীতে ১৮,০৩৩গৰাকীয়ে আৰোগ্য লাভ কৰিছিল।

অসমত মঙলবাৰে ক’ভিডৰ পৰা আৰোগ্য লাভ কৰা ৯৩৮গৰাকী লোকক চিকিৎসালয়ৰ পৰা মুকলি কৰাৰ বিপৰীতে ১৬৮০গৰাকী নতুন ক’ভিড পজিটিভ চিনাক্ত হৈছিল।

অসমত মঙলবাৰলৈকে চিনাক্ত মুঠ ক’ভিড আক্ৰান্তৰ সংখ্যা হৈছে ২৬,৭৭২গৰাকী আৰু সক্ৰিয় ৰোগী আছিল ৮৬৭২গৰাকী।

তিনিগৰাকী ক’ভিড পজিটিভ ব্যক্তি অসমৰ পৰা আন ঠাইলৈ স্থানান্তৰিত হৈছে।