হেমলাই বাগিচা ধৰ্ষণকাণ্ড: টীয়কত দুই ধৰ্ষণকাৰীক আটক

যোৰহাট জিলাৰ টীয়ক আৰক্ষী থানাৰ অন্তৰ্গত হেমলাই চাহ বাগিচাৰ এগৰাকী কিশোৰীক ধৰ্ষণ কৰাৰ অভিযোগত সেই অঞ্চলৰে জনৈক দত্ত আৰু জনৈক নায়ক উপাধিৰ দুই যুৱকক টীয়ক আৰক্ষীয়ে আটক কৰি আজি আদালতত হাজিৰ কৰে।

অভিযোগ মতে যোৱা ১৮ এপ্ৰিলত দুই যুৱকে এই জঘন্য ঘটনা সংঘটিত কৰিছিল যদিও কিশোৰী গৰাকীয়ে ভয়তে ঘটনাটো লুকুৱাই ৰাখিছিল আৰু কালি চেলেংহাট আৰক্ষী চকীত পৰিয়ালে ঘটনা সন্দৰ্ভত এক এজাহাৰ দাখিল কৰে আৰু এজাহাৰৰ ভিত্তিত আৰক্ষীয়ে 313/21 IPC 341,342,376(3,34) এক গোচৰ ৰুজু কৰে।

সেই গোচৰৰ ভিত্তিতে দুই যুৱকক কালি নিশা আৰক্ষীয়ে আটক কৰে।

উল্লেখযোগ্য যে দুই যুৱকৰ বয়স মাত্ৰ ১৯ বছৰ আৰু ভুক্তভোগী কিশোৰীৰ বয়স যুৱকদ্বয়তকৈও কম।

অৱশ্যে আৰক্ষীয়ে ইতিমধ্যে তদন্ত আৰম্ভ কৰিছে যদিও কম বয়সৰ এইসকল যুৱকৰ এনে কু মানসিকতাই সকলোকে স্তম্ভিত কৰি তুলিছে।

ইপিনে যুৱকদ্বয়ৰ পৰিয়ালে উক্ত কিশোৰীগৰাকীৰ চৰিত্ৰত অভিযোগ তুলি এয়া এক পাৰিবাৰিক কণ্ডলৰ পৰিণাম বুলি মন্তব্য কৰিছে।