দহ দিনত আমেৰিকাৰ দুটা মন্দিৰত আক্ৰমণ; দুস্কৃতিকাৰীৰ হিন্দুসকলক আঁতৰি যাবলৈ ধমকি

১৬ ছেপ্টেম্বৰত নিউয়ৰ্কত স্বামীনাথন মন্দিৰত আক্ৰমণ কৰা হৈছিল। বুধবাৰে কেলিফৰ্ণিয়াৰ হিন্দু মন্দিৰত পূৰ্বৰ আক্ৰমণৰ দহ দিনৰ ভিতৰতে আক্ৰমণ সংঘটিত হয়। ভাঙি-ছিঙি ভাঙি যোৱাৰ উপৰি মন্দিৰ দুটাৰ চৌহদত ‘হিন্দুৰা দুৰ হ’টো’ৰ পোষ্টাৰ স্থাপন কৰে দুৰ্বৃত্তই। এই ঘটনাই আমেৰিকাৰ প্ৰৱাসী হিন্দু সমাজত যথেষ্ট উত্তেজনা বিয়পাইছে। ঘটনা সন্দৰ্ভত আৰক্ষীয়ে তদন্ত অব্যাহত ৰাখিছে।

আমেৰিকাত বাস কৰা হিন্দুসকলৰ অন্যতম তীৰ্থস্থান স্বামীনাথন মন্দিৰ। মন্দিৰ কৰ্তৃপক্ষই কয় যে, এদল দুষ্কৃতিকাৰীয়ে ‘হিন্দুৰা দুৰ হ’টো’ৰ পোষ্টাৰ লগাই মন্দিৰটো অপবিত্ৰ কৰে। আমি শান্তিৰ বাবে ঘৃণাৰ বিৰুদ্ধে একত্ৰিত হৈ প্ৰাৰ্থনা কৰিলোঁ। ইফালে, হিন্দু মন্দিৰৰ কাণ্ডক ঘৃণাজনিত অপৰাধ বুলি চিনাক্ত কৰা হৈছে বুলি আৰক্ষীয়ে জানিবলৈ দিয়ে। ঘটনাৰ পাছতে কেলিফৰ্ণিয়াৰ হিন্দু মন্দিৰলৈ ভিৰ কৰে প্ৰবাসী হিন্দু। তেওঁলোকে একত্ৰিত হৈ শান্তিৰ বাবে প্ৰাৰ্থনা কৰিলে। সেই ছবিখন ছচিয়েল মিডিয়াত প্ৰকাশ পাইছে।

ভাৰতীয় মূলৰ সাংসদ এমি বেৰাই এই ঘটনাক গৰিহণা দিয়ে। প্ৰথম অৱস্থাত শিখ উগ্ৰ সংগঠনটোৱে হয়তো এই আক্ৰমণ সংঘটিত কৰিছিল বুলি ধাৰণা কৰা হৈছে। অৱশ্যে এই পৰ্যন্ত কোনো সংগঠনে এই আক্ৰমণৰ দায়িত্ব স্বীকাৰ কৰা নাই। মন কৰিবলগীয়া যে স্বামীনাথন মন্দিৰত ইয়াৰ পূৰ্বেও কেইবাবাৰো আক্ৰমণ কৰা হৈছে। বাৰে বাৰে এনেধৰণৰ ঘটনাই প্ৰৱাসী হিন্দু সমাজক চিন্তিত কৰি তুলিছে।