Acid Attack: ভয়ংকৰ ঘটনা; লখিমপুৰত এচিড আক্ৰমণৰ ফলত আহত দুগৰাকী মহিলা

Acid Attack লখিমপুৰত সোমবাৰে নিশা এগৰাকী লোকৰ এচিড আক্ৰমণৰ ফলত দুগৰাকী মহিলা আহত হোৱাৰ এক ভয়ংকৰ ঘটনা সংঘটিত হৈছে।

উত্তৰ লখিমপুৰ নগৰৰ সমীপৰ ৰঙাজানত সংঘটিত হৈছে এই ঘটনা। ৰফিকুল ইছলাম নামৰ এজন লোকে শুই থকা অৱস্থাত ৰেহেনা বেগম আৰু নুৰেজা বেগমক এচিডেৰে আক্ৰমণ কৰে।

এচিড আক্ৰমণৰ বলি হোৱা মহিলা দুগৰাকীক ততাতয়াকৈ লখিমপুৰ মেডিকেল কলেজ হাস্পাতাললৈ লৈ যোৱা হয়।

Also Read: New Delta Strain: অ’মিক্ৰণৰ আতংকৰ মাজতে চীনত নতুন প্ৰজাতিৰ কৰ’নাৰ সংক্ৰমণে বৃদ্ধি কৰিছে উদ্বেগ

ঘটনা অনুসৰি, লালুক আৰক্ষী থানাৰ অন্তৰ্গত কৰুনাবাৰীৰ বাসিন্দা আক্ৰমণকাৰী ৰফিকুল ইছলামে তেওঁৰ পত্নী ৰেহেনা বেগম আৰু খুলশালীয়েক নুৰেজা বেগমক মাজনিশা তেওঁৰ খুলশালীয়েকৰ ঘৰত প্ৰৱেশ কৰি এচিডেৰে আক্ৰমণ কৰে।

ৰেহেনা বেগমে ইতিমধ্যে ঘৰুৱা হিংসাৰ বাবে ৰফিকুলৰ ঘৰ ত্যাগ কৰি গৈছিল।

ৰফিকুলৰ বিৰুদ্ধে উত্তৰ লখিমপুৰ আৰক্ষী থানাত ঘটনাৰ বলি মহিলা দুগৰাকীৰ ভাতৃয়ে এটা গোচৰ ৰুজু কৰিছে।