বাতৰি পঢ়ি থাকোতেই সৰি পৰিল দাঁত, কি কৰিলে নিউজ এংকৰে
টেলিভিছনত বাতৰি পঢ়ি থাকোতেই এগৰাকী নিউজ এংকৰৰ সৰি পৰিল দাঁত। পোনপটীয়া সম্প্ৰচাৰৰ মাজতে সংঘটিত এই ঘটনাই এতিয়া বহুতৰে মাজত বেছ চাঞ্চল্যৰ সৃষ্টি কৰা পৰিলক্ষিত হৈছে। ঘটনাটো ইউক্ৰেইনৰ।
ইউক্ৰেইনৰ এটা জনপ্ৰিয় টেলিভিছন চেনেলত তেতিয়া বাতৰি পঢ়ি আছিল নিউজ এংকৰ মাৰিছা পাডাল’কে।
সকলো ঠিকেই চলি আছিল যদিও হঠাতে মাৰিছাৰ ওপৰ পাৰিৰ দাঁত এটা সৰি পৰে।
কিন্তু ঘটনাটোত মুঠেও বিচলিত নহ’ল এংকৰ গৰাকী।
তেওঁ সোঁ হাতেৰে সুন্দৰ কৈ সৰি পৰা দাঁতটো মুখৰ ভিতৰৰ পৰা লৈ আহে আৰু স্বাভাৱিক ভাবেই বাতৰি পঢ়ি থাকে।
পোনপটীয়া সম্প্ৰচাৰৰ মাজতে এনে ঘটনা সংঘটিত হোৱাৰ পিছতো নিউজ এংকৰ গৰাকী মুঠেও বিচলিত নোহোৱাৰ কথাই বহুতকে আচৰিত কৰি তুলিছে।
কৰ্তব্য সম্পাদনৰ সময়ত অহা যিকোনো বাধাকেই যে গুৰুত্ব দিব নালাগে সেই কথাৰ সুন্দৰ উদাহৰণ দাঙি ধৰিলে নিউজ এংকৰ মাৰিছা পাডাল’কে।
ইতিমধ্যে ছ’চিয়েল মিডিয়াত ভাইৰেল হৈ পৰিছে বাতৰি পঢ়ি থকাৰ মাজতে মাৰিছাৰ দাঁত সৰি পৰাৰ দৃশ্য।
মাৰিছাই নিজেো ইনষ্টাগ্ৰামত এৰি দিছে এই দৃশ্য।
মাৰিছাৰ মতে—দাঁতটো কিছুদিনৰ পৰা লৰি আছিল,কিন্তু বাতৰি পঢ়ি থকাৰ মাজতে যে সৰি পৰিব সেয়া তেওঁ কেতিয়াও কল্পনাই কৰা নাছিল।
যি কি নহওঁক মাৰিছাৰ ঘটনাটোৱে আমাক সকলোকে এটা শিকনিয়েই দিলে—কামত যিমানেই বাধা নাহক,লক্ষ্যৰ পৰা কেতিয়াও বিচলিত হ’ব নালাগে।