চাঞ্চল্যকৰ! ক’ভিড-১৯ৰ পাছত এইবাৰ আহিব ক’ভিড-২৬ আৰু ক’ভিড-৩২, কোনে ক’লে?

ক’ভিড-১৯ প্ৰথম বিয়পিছিল চীনৰ উহান প্ৰদেশৰ পৰা।

কিন্তু এই ভাইৰাছৰ উৎস ক’ত, সেই বিষয়ে এতিয়াও কোনো তথ্য জনোৱা নাই চীনে।

বৰঞ্চ দেশখনে দাবী কৰিছে যে চীনে কৰোণা বিয়পোৱা নাই।

দ্ৰুতভাৱে ক’ভিড-১৯ৰ উৎস বিচাৰি নাপালে ভৱিষ্যতে ক’ভিড-২৬ অথবা কোভিড-৩২ মহামাৰিয়ে সন্ত্ৰাস সৃষ্টি কৰাৰ আশংকা ব্যক্ত কৰিছে মাৰ্কিন যুক্তৰাষ্ট্ৰৰ দুজন বিশেষজ্ঞই।

ট্ৰাম্প চৰকাৰৰ সময়ত মাৰ্কিন যুক্তৰাষ্ট্ৰৰ ‘ফুড এণ্ড ড্ৰাগ এডমিনিষ্ট্ৰেশ্যন’ৰ কমিশ্যনাৰ তথা চিকিৎসাবিজ্ঞানী স্কট গটিলেবে কয় যে উহানৰ লেবৰেটৰিৰ পৰা বিয়পি থাকিব পাৰে এই ভাইৰাছ আৰু এই দাবী নাকচ কৰাৰ দৰে কোনো তথ্য জনোৱা নাই চীনে, যিটো চিন্তনীয় বিষয়।

আনহাতে, ‘টেক্সাছ চিলড্ৰেনছ হস্পিতাল ফৰ ভেকচিন ডেভেলপমেণট’ৰ সহ অধিকৰ্তা পিটাৰ হটেজেই কয় যে কৰোণাৰ উৎস জানিব নোৱাৰিলে ভৱিষ্যতে আৰু বৃহৎ মহামাৰিৰ আশংকা আছে।

“আমি ক’ভিড-১৯ৰ সম্পৰ্কে সকলো তথ্য নাপালে ক’ভিড-২৬ অথবা কোভিড-৩২ৰ দৰে মহামাৰী আগন্তুক দিনবোৰত আহিব পাৰে।”