প্ৰধানমন্ত্ৰী মোদীক ‘Legion of Merit’ পুৰষ্কাৰেৰে সন্মানিত কৰিলে আমেৰিকাৰ ৰাষ্ট্ৰপতি ট্ৰাম্পে

ভাৰতৰ প্ৰধানমন্ত্ৰী নৰেন্দ্ৰ মোদীক ‘Legion of Merit’ পুৰষ্কাৰেৰে সন্মানিত কৰিলে বিদায় পৰত আমেৰিকাৰ ৰাষ্ট্ৰপতি ডোনাল্ড ট্ৰাম্পে।

দেশ দুখনৰ মাজত পাৰস্পৰিক সহযোগিতা বৃদ্ধি তথা ভাৰতক বিশ্ব শক্তি হিচাপে তুলি ধৰাৰ ক্ষেত্ৰত মোদীৰ নেতৃত্বৰ স্বীকৃতি হিচাপে এই সন্মান আগবঢ়াইছে আমেৰিকাৰ ৰাষ্ট্ৰপতিগৰাকীয়ে।

সোমবাৰে প্ৰধানমন্ত্ৰী নৰেন্দ্ৰ মোদীৰ হৈ আমেৰিকাত থকা ভাৰতীয় ৰাষ্ট্ৰদূত তৰনজিৎ সিং সান্ধুৱে আমেৰিকাৰ ৰাষ্ট্ৰীয় নিৰাপত্তা উপদেষ্টা ৰবাৰ্ট অ’ব্ৰায়েনৰ পৰা এই পুৰষ্কাৰ গ্ৰহণ কৰে।

হোৱাইট হাউছত অনুষ্ঠিত হোৱা এই অনুষ্ঠান সন্দৰ্ভত নিজৰ টুইটাৰত অ’ব্ৰায়েনে লিখিছে,’’ ভাৰত আৰু আমেৰিকাৰ মাজত কৌশলগত সম্পৰ্ক দৃঢ় কৰাৰ ক্ষেত্ৰত প্ৰধানমন্ত্ৰী নৰেন্দ্ৰ মোদীৰ নেতৃত্বৰ স্বীকৃতি স্বৰূপে ৰাষ্ট্ৰপতি ডোনাল্ড ট্ৰাম্পে এই সন্মান প্ৰদান কৰিছে।‘’

“President @realDonaldTrump presented the Legion of Merit to Indian Prime Minister Narendra Modi for his leadership in elevating the U.S.-India strategic partnership. Ambassador @SandhuTaranjitS accepted the medal on behalf of Prime Minister Modi.” –NSA Robert C. O’Brien pic.twitter.com/QhOjTROdCC

— NSC 45 Archived (@WHNSC45) December 21, 2020

চীফ কমাণ্ডাৰ অফ লিজিয়ন অফ মেৰিট সন্মানটো অকল কোনো ৰাষ্ট্ৰনেতা বা চৰকাৰৰ মুৰব্বীকহে প্ৰদান কৰা হয়।

এইবাৰ নৰেন্দ্ৰ মোদীৰ লগতে এই পুৰষ্কাৰ লাভ কৰিছে অষ্ট্ৰেলিয়াৰ প্ৰধানমন্ত্ৰীস্কট মৰিছন আৰু জাপানৰ প্ৰাক্তন প্ৰধানমন্ত্ৰী ছিনজ’ আবেই।