কিয় আমেৰিকাৰ উপ ৰাষ্ট্ৰপতি কমলা হেৰিছে বিক্ৰী কৰিবলৈ ওলাইছে নিজৰ ঘৰ?

আমেৰিকা যুক্তৰাষ্ট্ৰৰ উপ ৰাষ্ট্ৰপতি কমলা হেৰিছে এতিয়াও চৰকাৰী আৱন্টিত ঘৰ পোৱা নাই। বাতৰি অনুসৰি, শীঘ্ৰেই তেওঁ হোৱাইট হাউছৰ বাসিন্দা হ’বলৈ আগবাঢ়িছে।

ইপিনে, কমলা হেৰিছে তেওঁৰ ছান ফ্ৰান্সিছকোত থকা নিজৰ এপাৰ্টমেন্টটো বিক্ৰী কৰি দিব বিচাৰিছে।

বাতৰি মতে, কেলিফৰ্ণিয়াৰ এটৰ্ণি পদত থকাৰ সময়ত কমলা হেৰিছে এই গৰটো ক্ৰয় কৰিছিল। ২০০৪চনত ক্ৰয় কৰা এই ঘৰটোৰ বজাৰমূল্য প্ৰায় ৭লাখ ৯৯হাজাৰ ডলাৰ হ’ব।

এপাৰ্টমেন্টটোৰ এটা মহলাত ডাইনিং ৰুম আৰু কাৰ্যালয় আছে। সেইদৰে, দ্বিতীয় মহলাত আছে এটা বেডৰুম, বাথৰুম আৰু হল। চাৰিটা বেডৰুমৰ এই এপাৰ্টমেন্টটোত এটা ছুইমিং পুলো আছে।

সম্প্ৰতি ৰাষ্ট্ৰপতি জো বিডেনৰ অতিথিশালাতেই স্বামী ডগলাছ এমহফৰ সৈতে থাকিবলৈ লৈছে কমলা হেৰিছ।

ব্লেয়াৰ হাউছলৈ যাবলৈ ওলোৱা কমলা হেৰিছৰ নতুন ঘৰটোত আছে ১১৯টাকৈ কোঠাৰ লগতে ১৪টা শোৱনি কোঠা।