চাতুকাৰিতা! কেন্দ্ৰীয় মন্ত্ৰীৰ জোতা খুলি দিছে,পায়জামা ঠিক কৰি দিছে চৰকাৰী বিষয়াই! ভাইৰেল ভিডিঅ’
কেন্দ্ৰীয় মন্ত্ৰী সতীশ চন্দ্ৰ ডুবে ঝাৰখণ্ড ভ্ৰমণলৈ গৈছিল। তাত ভাৰত কোকিং কয়লা লিমিটেডৰ জেনেৰেল মেনেজাৰে জোতা খুলি দিয়াৰ ভিডিঅ’ ছ’চিয়েল মিডিয়াত ভাইৰেল হৈ পৰিছে। ইয়াক লৈ তুমুল বিতৰ্কৰ সৃষ্টি হৈছে।
জানিব পৰা মতে, ধানবাদৰ এটা খনি পৰিদৰ্শন কৰিছিল কেন্দ্ৰীয় কয়লা ৰাজ্যিক মন্ত্ৰীগৰাকীয়ে। তেওঁৰ সৈতে ক’ল ইণ্ডিয়া লিমিটেডৰ সহযোগী কোম্পানী বিচিচিএলৰ জিএম অৰিন্দম মুস্তাফীও উপস্থিত আছিল।
ভাইৰেল ভিডিঅ’টোত অৰিন্দম মুস্তাফীয়ে খনি পৰিদৰ্শনৰ সময়ত কেন্দ্ৰীয় কয়লা ৰাজ্যিক মন্ত্ৰী সতীশ চন্দ্ৰ ডুবেৰ পায়জামা ঠিক কৰি থকা দেখা গৈছে। মুস্তাফীয়ে চোফাত আৰামত বহি থকা কেন্দ্ৰীয় মন্ত্ৰীগৰাকীৰ জোতা খুলি থকাও দেখা গৈছে। দেখা যায় যে জিএমজনে বিষয়াসকলৰ ওচৰলৈ গৈ মন্ত্ৰীজনৰ জোতা দি দিয়ে। কংগ্ৰেছে শ্বেয়াৰ কৰিছে ভাইৰেল ভিডিঅ’টো। এই ঘটনাক কেন্দ্ৰৰ মূল বিৰোধী দলটোৱে ‘লজ্জাজনক’ বুলি অভিহিত কৰিছে।
धनबाद में कोयला राज्यमंत्री सतीश चंद्र दुबे के पैर से जूता BCCL के GM ने उतारा,पैजामे का नाड़ा भी बांधा
सोशल मीडिया पर वीडियो हो रहा है वायरल@satishdubeyy @JmmJharkhand @BJP4Bihar @INCBihar @INCJharkhand @KumarJaimangal #Jharkhand #dhanbad pic.twitter.com/6cjopvIazV
— Live Dainik (@Live_Dainik) September 9, 2024
কংগ্ৰেছে অভিযোগ কৰে যে বিচিচিএলৰ বিষয়াসকলে ‘নিজৰ দুৰ্নীতি লুকুৱাবলৈ’ এনে কাম কৰি মন্ত্ৰীসকলক সন্তুষ্ট কৰিছে। ধানবাদ জিলা কংগ্ৰেছ কমিটীৰ সভাপতি সন্তোষ সিঙে কয় ‘জিএম এজনে মন্ত্ৰীৰ জোতা খুলি দিয়াটো লাজৰ কথা। এনেধৰণৰ বি চি চি এলৰ কাৰ্যবাহীসকল দুৰ্নীতিৰ লগত জড়িত। নিজৰ অপৰাধ লুকুৱাবলৈ মন্ত্ৰীসকলক সন্তুষ্ট কৰিছে।‘