ৱায়ানাড ভূমিস্খলন: মৃত্যুৰ সংখ্যা ১৫৮ লৈ বৃদ্ধি, এতিয়াও অব্যাহত উদ্ধাৰ অভিযান

ৱায়ানাডৰ মেপ্পাডিৰ ওচৰৰ পাহাৰীয়া অঞ্চলত ব্যাপক ভূমিস্খলনৰ ফলত কমেও ১৫৮ জন লোকৰ মৃত্যু হৈছে, আৰু ২০০ৰো অধিক লোক আহত হৈছে। চৰকাৰী তথ্য অনুসৰি ১৮০ জনতকৈ অধিক লোক ধ্বংসাৱশেষৰ তলত আবদ্ধ হৈ পৰাৰ আশংকা কৰা হৈছে কাৰণ একাধিক সংস্থা আৰু সেনাই যিমান পাৰি সিমান জীৱন ৰক্ষাৰ বাবে সময়ৰ বিৰুদ্ধে দৌৰিছে।

মঙলবাৰে প্ৰচণ্ড বৰষুণৰ মাজতে চাৰি ঘণ্টাৰ ভিতৰত ৱায়ানাডত তিনিটাকৈ ভূমিস্খলনৰ ফলত মুণ্ডাক্কাই, চৌৰালমালা, আট্টামালা, আৰু নুলপুজা গাঁৱত ধ্বংসৰ সূত্ৰপাত ঘটিছে। চলিয়াৰ নদীত উটুৱাই লৈ যায় কেইবাজনো লোক।

ৱায়ানাডত ৪৫টা সাহায্য শিবিৰ স্থাপন কৰা হৈছে, য’ত ৩০৬৯ জন লোক থাকিব পাৰে। ছ’চিয়েল মিডিয়াৰ ভিজুৱেল আৰু ভিডিঅ’ত দেখা গৈছে যে উভালি পেলোৱা গছ আৰু ক্ষতিগ্ৰস্ত ঘৰবোৰ চাহ বাগিচাৰ বাবে পৰিচিত জিলাখনত বিন্দু বিন্দুকৈ বিয়পি আছে।