সৰুজাইস্থিত কোৱাৰেণ্টাইন শিৱিৰক কিয় জেইললৈ পৰিৱৰ্তন কৰিম বুলি ক’লে মন্ত্ৰী হিমন্তই

আজি মন্ত্ৰী হিমন্ত বিশ্ব শৰ্মাই গুৱাহাটী মহানগৰীৰ সৰুসজাই ষ্টেডিয়ামত অস্থায়ীভাৱে নিৰ্মিত কোৱাৰেণ্টাইন শিবিৰত উপস্থিত হৈ কোৱাৰেন্টাইনত থকা লোক সকলৰ লগত মত বিনিময় কৰে।

কোৱাৰেন্টাইনত থকা লোক সকলক উদ্যেশি মন্ত্ৰী শৰ্মাই কয়, “শান্তিত থাকক, বহুত ধুনীয়াকৈ মৰমত থাকক, কোনো কাৰো গাত হাত নিদিয়াকৈ ভাল ভাল কথা পাতি সময় খিনি পাৰ কৰক। আজি আপোনালোকৰ জিলা বিলাকলৈ ৰিপ’ৰ্ট গৈছে ঘূৰি অহাৰ পিছত যদি যাব দিব পাৰি ৰমজানৰ আগত যাব দিম। কিন্ত যি খিনিক যাব দিব নোৱাৰি সেই খিনিক মই কোনো কাৰণতে যাব দিব নোৱাৰিম”।

ইফালে এজন কোৱাৰেন্টাইন থকা এজন ব্যক্তিক উদ্দেশ্যি কয় তেও কয়, ‍‘বাবা বেছি স্মাৰ্ট দেখালে কিন্তু মই এইখন জেইললৈ পৰিবৰ্তন কৰিম তেতিয়া আৰু কেতিয়াও ওলাবই নোৱাৰিব’।

মন্ত্ৰীগৰাকীয়ে কোৱাৰেন্টাইনত থকা লোক সকলৰ অসুবিধা সমূহ দূৰ কৰাৰ বাবে কৰ্তৃপক্ষক ব্যৱস্থা ল’বলৈও আহ্বান জনায়।

আনহাতে চিকিৎসা কৰ্মীসকলক উদ্দেশ্যি মন্ত্ৰী শৰ্মাই কয়, ‍‘আপোনালোক গুচি নাযাব। এওলোকে হুলুস্থুল কৰিলে আপোনালোকে কিয় ভয় খায়’।

তেওঁ লগতে কয় ‍‘আজি এওঁলোকৰ বেমাৰ হ’লে এওঁলোকৰ বাপেকক নধৰিব নেকি। এওঁলোকৰ গাঁৱৰ মানুহক নধৰিব নেকি। এওঁলোকৰ ভালৰ কাৰণেহে আমি ইয়াত আছো নহ’লে আমাৰ কি গৰজ পৰিছে। মোৰটো ল’ৰা-ছোৱালী আছে’।

আনহাতে তেওঁ কয়, ‍‘এওলোক সকলো বুজা মানুহ, শিক্ষিত মানুহ। বুজাই দিব যে আমি ডাক্তৰ-নাৰ্চ সকলে নিজৰ জীৱনটো আগত দি ইয়াত কিয় ডিউতি কৰি আছো। এওঁলোকৰ বাবেহে কৰিছো’।