নেটফ্লিক্সৰ নতুন ধাৰাবাহিক ‘এডোলেসেন্স’-এ কিয় আলোড়ন তুলিছে? 

মাত্ৰ চাৰিটা খণ্ড, কোনো বেছি অভিনেতাও নাই, তথাপি সম্পপ্ৰতি নেটফ্লিক্সৰ নতুন ধাৰাবাহিক ‘এডোলেসেন্স’ সমগ্ৰ বিশ্ব জুৰি চৰ্চিত হৈ পৰিছে। মাৰ্চ মাহত মুক্তি লাভ কৰা এই ধাৰাবাহিক খনে এতিয়ালৈকে ১০ কোটিতকৈও বেছি দৰ্শকে চাইছে। সমান্তৰাল কৈ সমাজত এক নতুন চিন্তাৰ উজাগৰ কৰিছে এই ধাৰাবাহিকখনে। কিন্তু কিয় ইমান জনপ্ৰিয় হৈ পৰিছে ‘এডোলেসেন্স’? 

ধাৰাবাহিকটোৰ মূল কাহিনীটো এনে ধৰণৰ-

১৩ বছৰৰ কিশোৰ জেমি(অভিনয়ত অ’ৱেন কুপাৰ) কেন্দ্ৰ কৰি গঢ় লৈছে কাহিনীটো। জেমিয়ে তাৰ শ্ৰেণীৰ এজনী ছোৱালীক হত্যা কৰাৰ অভিযোগত গ্ৰেপ্তাৰ হয়। তাৰ পিছত তদন্ত আৰু আদালতৰ প্ৰক্ৰিয়াই ধাৰাবাহিকটোৰ মূল বিষয়। 

কাহিনীটোত এটা ফালে আদালতত প্ৰমাণৰ দ্বন্দ্ব, আনফালে পৰিয়ালৰ সন্তানৰ প্ৰতি অটুট বিশ্বাস—এই দুয়োটা মিলি দৰ্শকক এক অভিনৱ অভিজ্ঞতা প্ৰদান কৰিছে। 

ফিলিপ বাৰান্টিনিয়ে পৰিচালনা কৰা ধাৰাবাহিকখনৰ প্ৰতিটো খণ্ডৰ শ্বুটিং এটা টেকত কৰা হৈছিল। যি দৰ্শকক এক সুকীয়া অভিজ্ঞতা প্ৰদান কৰিছে। দীঘলীয়া অনুশীলন অবিহনে এই ধৰণৰ দৃশ্যগ্ৰহণ অপৰিকল্পনীয়। মন কৰিবলগীয়া যে ইয়াৰ পূৰ্বে অস্কাৰজয়ী ছবি ‘বাৰ্ডমেন’ৰ দৃশ্যগ্ৰহণো নিৰ্মাতাসকলে একে ধৰণেৰে কৰিছিল।

ধাৰাবাহিকখনত কিশোৰ-কিশোৰীৰ মনস্তত্ত্ব, সামাজিক মাধ্যমৰ প্ৰভাৱ, পৰিয়াল আৰু বন্ধুৰ মাজৰ সম্পৰ্ক—এইবোৰক অতি সূক্ষ্মভাৱে তুলিধৰিছে ধাৰাবাহিকখনে। ইতিমধ্যে ব্ৰিটেইনত স্কুলীয়া ছাত্ৰ-ছাত্ৰীৰ মাজত যৌনবিদ্বেষ ৰোধ কৰিবলৈ এই ধাৰাবাহিক দেখুৱাৰ প্ৰস্তাৱ কৰা হৈছে। 

সকলোৰে অভিনয়েই উৎকৃষ্ট, বিশেষকৈ অ’ৱেন কুপাৰ (জেমি) আৰু ষ্টিফেন গ্ৰাহাম (জেমিৰ দেউতাক এডি)ৰ অভিনয়ে দৰ্শকক বিশেষভাৱে আৱেগিক কৰি তোলে। 

কিয় চাব লাগে এই ধাৰাবাহিক? 

ধাৰাবাহিকখিনে কিশোৰ-কিশোৰীৰ মনৰ কথাবোৰ বুজিবলৈ। পৰিয়াল আৰু সমাজৰ দ্বন্দ্বৰ এক বাস্তৱক বুজি উঠিব, যুৱক-যুৱতী আৰু ন্যায়ৰ বিষয়ে গুৰুত্বপূৰ্ণ আলোচনাৰ অৱকাশ অভিনয় আৰু দৃশ্যগ্ৰহণৰ অভিনৱ শৈলীয়ে ধাৰাবাহিকখন উপভোগ্য কৰি তুলিছে।