নিদাৰুণ: ফেচবুকত বন্ধুত্ব গঢ়ি ২৫ জন পাষণ্ডৰ কামনাৰ বলি হ’ল এগৰাকী যুৱতী
ফেচবুকৰ বন্ধুত্ব কেতিয়াবা কাৰোৱাৰ বাবে হৈ পৰিব পাৰে অভিশাপ স্বৰূপ।
শেহতীয়াকৈ দিল্লীৰ এগৰাকী যুৱতী ফেচবুকৰ জৰিয়তে গঢ়ি উঠা বন্ধুত্বৰ পৰিণতিতে গণ ধৰ্ষণৰ বলি হ’বলগীয় হ’ল।
প্ৰায় চাৰি বছৰ ধৰি দিল্লীত থকা যুৱতীগৰাকীৰ সৈতে ফেচবুকত বন্ধুত্ব গঢ়ি উঠিছিল সাগৰ নামৰ যুৱকজনৰ।
প্ৰথমে ইনবক্সত মেছেজৰ আদান-প্ৰদান চলাৰ পিছত যুৱতীগৰাকীৰ পৰা সাগৰে ফোন নম্বৰ লৈছিল। ফোনত দুয়োগৰাকীৰ মাজত কথা চলি থাকিল।
এটা সময়ত সাগৰ নামৰ যুৱকজনৰ সৈতে যুৱতীগৰাকীৰ বিয়াৰ কথা চলিল। এদিন সাগৰে তেওঁৰ মাক-দেউতাকৰ সৈতে চিনাকী কৰি দিব বুলি কৈ যুৱতীগৰাকীক হাৰিয়ানাৰ হোদাল নামৰ ঠাই খনলৈ মাতি পঠিয়ায়।
সেইমৰ্মে ৩ মে’ত যুৱতীগৰাকীয়ে হোদালত গৈ উপস্থিত হয়।হোদালৰ পৰা সেই দিনাই সাগৰে যুৱতীগৰাকীক লৈ যায় ৰামগড় নামৰ ঠাই খনৰ এখন খেতি পথাৰলৈ।
সেই সময়ত খেতি পথাৰত সাগৰৰ ককায়েক আৰু তেওঁৰ কেইজনমান বন্ধুৱে মদ খাই আছিল।
পথাৰৰ মাজতে সাগৰ, সাগৰৰ ককায়েক আৰু বন্ধুসকলে মিলি যুৱতীগৰাকীক ধৰ্ষণ কৰে। ইয়াৰ পিছতে যুৱতীগৰাকীক লৈ অহা হয় আকাশ নামৰ আন এজন লোকৰ ওচৰলৈ।
তাতো যুৱতীগৰাকীক আন পাঁচ জন লোকে ধৰ্ষণ কৰে।
এনেদৰে ২৫ গৰাকী লোকে ধৰ্ষণ কৰা যুৱতীগৰাকীৰ অৱস্থা এটা সময়ত মূমূৰ্ষ হৈ পৰে আৰু সাগৰ নামৰ যুৱক জনে যুৱতীগৰাকীক বদৰপুৰৰ সীমান্তত পেলাই থৈ আহে।
স্থানীয় লোকে প্ৰত্যক্ষ কৰি যুৱতীগৰাকীক উদ্ধাৰ কৰে আৰু চিকিৎসাৰ ব্যৱস্থা কৰে। ১২ মে’ৰ দিনা যুৱতীগৰাকীয়ে হাৰিয়ানাৰ হাছানপুৰ থানাত সাগৰৰ লগতে মুঠ ২৫ জন লোকৰ বিৰুদ্ধে গোচৰ ৰুজু কৰে।
আৰক্ষীয়ে ক্ষীপ্ৰতাৰে তদন্ত চলাই শেহতীয়াকৈ সাগৰক গ্ৰেপ্তাৰ কৰিবলৈ সক্ষম হৈছে যদিও বাকী অভিযুক্ত কেইজন এতিয়াও পলাতক অৱস্থাতে আছে।
এই ঘটনাই এতিয়া তীব্ৰ প্ৰতিক্ৰিয়াৰ সৃষ্টি কৰিছে।