টীয়কত পাৰিবাৰিক কন্দলৰ পাছতে পুখুৰীত পৰি আত্মহত্যা মহিলাৰ

পাৰিবাৰিক কন্দলৰ বাবেই টীয়ক গায়ন গাঁৱৰ এগৰাকী মহিলাই আত্মহত্যা কৰা ঘটনাই সমগ্ৰ টীয়কতে ব্যাপক চাঞ্চল্যৰ সৃষ্টি কৰিছে।

অভিযোগ মতে টীয়কৰ জগদুৱাৰ গায়ন গাঁও অঞ্চলৰ প্ৰদীপ বৰাৰ পত্নী ৰুমী বৰাৰ সৈতে কাষৰীয়া সুশীল বৰাৰ পৰিয়ালে প্ৰায়ে কাজিয়াত লিপ্ত হৈছিল।

কালি কাষৰীয়া সুশীল বৰাৰ পৰিয়ালে হাঁহ চোৰ বুলি ধৰি ৰুমী বৰাক গালি গলাজ পাৰি আৰক্ষীৰ কাষ চপাৰ ভাবুকি দিয়াৰ পাছত নিশা গভীৰ মানসিক চাপত আছিল ৰুমী বৰা।

পুৱা স্বামী প্ৰদীপ বৰাই পত্নীক বিছনাত নেদেখি বিচাৰ কৰি একো খবৰ নাপাই আৰক্ষীৰ কাষ চাপে।

তেনে সময়তে স্থানীয় লোকে ওচৰৰ পুখুৰীত মৃত অৱস্থাত প্ৰত্যক্ষ কৰে ৰুমী বৰাক। এই সন্দৰ্ভত টীয়ক আৰক্ষীয়ে তদন্ত প্ৰক্ৰিয়া অব্যাহত ৰাখিছে।