কাজিৰঙা ৰাষ্ট্ৰীয় উদ্যানত বিশ্ব আৰ্দ্ৰভূমি দিৱস উদযাপন

সমগ্ৰ বিশ্বৰ লগতে বিশ্বৰ ঐতিহ্য ক্ষেত্ৰ কাজিৰঙা ৰাষ্ট্ৰীয় উদ্যান আৰু ব্যাঘ্ৰ সংৰক্ষিত বনাঞ্চলতো  বিশ্ব আৰ্দ্ৰভূমি দিৱস পালন কৰা হয় ৷

কাজিৰঙা ৰাষ্ট্ৰীয় উদ্যানৰ কাষৰীয় তিনিখন মহাবিদ্যালয় ক্ৰমে বোকাখাতৰ জে ডি এছ জি মহাবিদ্যালয়, চি এন বি মহাবিদ্যালয় আৰু কাজিৰঙাৰ চৰকাৰী আৰ্দশ মহাবিদ্যালয়ৰ ছাত্ৰ ছাত্ৰী আৰু ৫ গৰাকী শিক্ষক শিক্ষয়িত্ৰীয়ে অংশ গ্ৰহণ কৰে ৷

বিশ্ব আৰ্দ্ৰভূমি দিৱসৰ লগত সংগতি ৰাখি পুৱাতেই ছাত্ৰ ছাত্ৰী সকলক কাজিৰঙাৰ পুৱ বনাঞ্চল অগৰাতলিৰ চহলা বিলৰ পাৰলৈ লৈ যোৱা হয় ৷ অনুষ্ঠানত গৱেষণা বিষয়া ৰবীন্দ্ৰ শৰ্মাই কাজিৰঙাৰ অতি গুৰুত্বপুৰ্ণ বুলি বিবেচিত চহলা বিলৰ পাৰত ছাত্ৰ ছাত্ৰী সকলক কাজিৰঙাৰ আৰ্দ্ৰভূমি , ইয়াৰ সংৰক্ষণ আৰু গুৰুত্বৰ বিষয়ে তথ্যসহ বাখ্যা কৰা হয় ৷

কাজিৰঙাৰ ডি এফ অ’ৰমেশ কুমাৰ গগৈয়ে আদৰণী ভাষণেৰে আৰম্ভ কৰা এই অনুষ্ঠানত কাজিৰঙাৰ সঞ্চালক পি শিৱকুমাৰ, গৱেষণা বিষয়া ৰবীন্দ্ৰ শৰ্মা, উপ বন সংৰক্ষক খৰ্গসিং ডেকাৰজা, প্ৰদীপ কুমাৰ বাৰ্মা, সহকাৰী বন সংৰক্ষক নয়নজ্যোতি ৰাজবংশীৰ উপৰিও বনাঞ্চলিক বিষয়া আৰু বনকৰ্মী সকলৰ উপৰিও স্থানীয় সাংবাদিক সকলেও অংশগ্ৰহণ কৰে ৷

পৰৱৰ্তী সময়ত অগৰাতলি ৰিজৰ্টত আয়োজিত মতবিনিময় অনুষ্ঠানত অগৰাতলিৰ বনাঞ্চলিক বিষয়া বিদ্যুত বিকাশ বৰাই সচিত্ৰ উপস্থাপনেৰে আৰ্দ্ৰভূমিৰ ওপৰত বাখ্যা কৰে ৷

আলোচনাত সঞ্চালক পি শিৱকুমাৰ, ডিএফঅ’ৰমেশ কুমাৰ গগৈ, গৱেষণা বিষয়া ৰবীন্দ্ৰ শৰ্মা, অধ্যাপক মতিৰাম দাস, অধ্যপক সঞ্জীৱ বৰা, ড৹ পৰিমিতা খাকলাৰী, চয়নিকা বৰা আৰু ছাত্ৰ ছাত্ৰীয়েও অংশগ্ৰহণ কৰে ৷

উত্তম শইকীয়াই আঁত ধৰা অনুষ্ঠানত প্ৰকৃতি সংগঠন আৰণ্যক, বিশ্ব প্ৰকৃতি নিধি, কৰবেট ফাইণ্ডেচন, ভূমি আৰু ৱাইল্ড লাইফ ট্ৰাষ্ট অৱ ইণ্ডিয়া আৰু ডেৰাডুনৰ বন গৱেষণা প্ৰতিষ্ঠানৰ সদস্য সকলে অংশগ্ৰহণ কৰাৰ লগতে সহযোগিতাও আগবঢ়ায় ৷