ক’ত নিৰ্মাণ হৈছে বিশ্বৰ সৰ্ববৃহৎ মন্দিৰটো?; চলিত মাহতে ভক্তৰ বাবে মুকলিৰ সম্ভাৱনা
বিশ্বৰ ভিতৰতে সৰ্ববৃহৎ মন্দিৰটো চলিত মাহৰ ভিতৰতে ভক্ত সকলৰ বাবে মুকলি কৰি দিয়া হ’ব বুলি জানিব পৰা গৈছে।
পশ্চিমবংগৰ নদীয়া জিলাত বিশ্বৰ সৰ্ববৃহৎ এই মন্দিৰটো নিৰ্মাণ কৰি থকা হৈছে।
বৈদিক তাৰকাগৃহ মন্দিৰৰ এক লাখ বৰ্গ ফুট বহল প্ৰথম মহলাৰ নিৰ্মাণ কাৰ্য্য ইতিমধ্যে সম্পুৰ্ণ হৈছে বুলি জানিব পৰা গৈছে আৰু সমগ্ৰ মন্দিৰটোৰ নিৰ্মাণ কাৰ্য্য ২০২২ চনৰ ভিতৰত সমাপ্ত হ’ব।
বৰ্তমানলৈ প্ৰায় দুই কোটি কিলোগ্ৰাম চিমেণ্ট ব্যৱহাৰ হোৱা মন্দিৰটোৰ নিৰ্মাণ কাৰ্য্য এটা দশক পূৰ্বে আৰম্ভ কৰা হৈছিল।
বিশ্বৰ ভিতৰতে সৰ্ববৃহৎ মন্দিৰৰ আখ্যা পাবলগীয়া এই মন্দিৰটোৰ প্ৰতিটো মহলাই এক লাখ বৰ্গ ফুটৰ হ’ব।
সমগ্ৰ বিশ্বত বৈদিক সংস্কৃতি আৰু জ্ঞান প্ৰচাৰৰ উদ্দেশ্যে নিৰ্মাণ কৰা এই মন্দিৰটোৰ সৈতে আধুনিক আৰু বিজ্ঞানসন্মত পদ্ধতিৰে বৈদিক দৰ্শন উপস্থাপনৰ সুবিধা সংলগ্ন কৰা হৈছে।
৩৮০ ফুটি উচ্চতাৰ মন্দিৰটোত পশ্চিমীয়া ভাস্কৰ্ষ্যৰ প্ৰভাৱৰ বাবে বিশেষ ব্লু বলিভিয়ান মাৰ্বল ব্যৱহাৰ কৰা হৈছে।
‘‘এই মন্দিৰটো প্ৰাচ্য আৰু পাশ্চাত্য ভাস্কৰ্য্যৰ আৰ্হিৰ এক সমন্বয়ত গঢ় লৈ উঠিব। ভিয়েটনামৰ পৰা মন্দিৰত ব্যৱহাৰ কৰা মাৰ্বল আমদানি কৰা হৈছে লগতে ভাৰতৰ মাৰ্বলো ব্যৱহাৰ কৰা হৈছে,’’ বৈদিক তাৰকাগৃহ মন্দিৰৰ পৰিচালন সঞ্চালক সুধাভূজ দাসে কয়।
মন্দিৰটোৰ সৈতে ভক্ত সকলৰ বাবে বিশেষ জিৰণি গৃহৰো নিৰ্মাণ কৰা হ’ব। মন্দিৰটোৰ নিৰ্মাণ কাৰ্য্য সম্পুৰ্ণ হৈ উঠিলে ইয়াত লাখ লাখ ভক্তই একেলগে বহিব পৰা সুবিধা উপলব্ধ হ’ব।
You may also like
ৰাজ্যৰ বান-গৰাখহনীয়া সমস্যা সম্পৰ্কত মুখ্য মন্ত্ৰীৰে বৈঠক বিশ্ব বেংকৰ সঁজাতী দলৰ
সোমবাৰে বিশ্ব বেংকৰ কাউণ্টি হেড জুনেইদ কামাল আহমেদৰ নেতৃত্বত অহা এটা সঁজাতী দলে মুখ্য মন্ত্ৰীক সাক্ষাৎ কৰি অসমৰ বান আৰু গৰাখহনীয়া সমস্যা…
গেৰুৱাকৰণ! উত্তৰ প্ৰদেশত ‘এ ফৰ এপল ‘ বুলি নিশিকায় শিশুক
উত্তৰ প্ৰদেশত এতিয়াৰে পৰা আৰু নচলিব ‘এ ফৰ এপল ‘ । শিশুৱে ইংৰাজী আখৰ চিনাক্ত কৰিবলৈ শিকাৰ প্ৰথম পদক্ষেপ হৈছে ‘এ ফৰ…
বেটে-বলে উজলিল ৰিয়ান পৰাগ; মুস্তাক আলী ট্ৰফীত বংগক হৰুৱালে অসমে
অধিনায়ক ৰিয়ান পৰাগৰ দুৰ্দান্ত প্ৰদৰ্শনৰ সহায়ত চলি থকা চৈয়দ মুস্তাক আলী ট্ৰফীত অসমে বংগক ১৩ৰাণত পৰাজিত কৰে। কলকাতাৰ ইডেন গাৰ্ডেনত টছত জিকি…
আইটি খড়গপুৰত অসমৰ ছাত্ৰৰ মৃত্যু; ৰেগিঙৰ অভিযোগ পোৱাৰ পিছত কৰ্তৃপক্ষই কি ব্যৱস্থা গ্ৰহণ কৰিছিল? প্ৰশ্ন উচ্চ ন্যায়ালয়ৰ
এজন অভিযান্ত্ৰিক ছাত্ৰৰ ৰহস্যজনক মৃত্যুৰ সন্দৰ্ভত আইআইটি খড়গপুৰ কৰ্তৃপক্ষৰ ওপৰত ক্ষুব্ধ হৈ পৰিছে উচ্চ ন্যায়ালয়। ফেব্ৰুৱাৰীতেই ৰেগিঙৰ কথা জনোৱা হৈছিল। তাৰপিছতো মেনেজমেণ্ট…