সমলয় ই-আলোচনীৰ দ্বিতীয় বৰ্ষপূৰ্তি; নৱনীতা বৰদলৈ লৈ বৰ্ষৰ শ্ৰেষ্ঠ লেখিকাৰ সন্মান

শিৱসাগৰৰ পৰা প্ৰকাশিত একমাত্ৰ ই-আলোচনী ‘সময়ল’ৰ আজি দ্বিতীয় বৰ্ষপূৰ্তি অনুষ্ঠিত হয়। ২০১৭ চনৰ আজিৰ দিনটোতে শিৱসাগৰৰ গেলেকীৰ কমলাবাৰীত সমলয় ই-আলোচনীৰ আৰম্ভ হৈছিল।

প্ৰতি মাহৰ প্ৰথমটো সপ্তাহত এই ই-আলোচলী প্ৰকাশিত হৈ আহিছে।

আজি নাজিৰাৰ ন-মাটিৰ গৰখীয়া দ’লৰ প্ৰাঙ্গণত অনুষ্ঠিত হয় সমলয় ই-আলোচনীৰ দ্বিতীয় বৰ্ষপূৰ্তি অনুষ্ঠান। অনুৰাগ শৰ্মাই আঁত ধৰা অনুষ্ঠানত নাজিৰাৰ মহকুমাধিপতি ৰাজীৱ থাপা, ৰজনীকান্ত গগৈ, জ্যেষ্ঠ সাংবাদিক বীৰেণ শৰ্মা, শিৱসাগৰ জিলা সাহিত্য সভাৰ সভাপতি যোগ গগৈ আদি উপস্থিত থাকে।

অনুষ্ঠানৰ আৰম্ভণিতে কা’ বিৰোধী আন্দোলনত নিহত হোৱা পাঁচ গৰাকী চহিদক শ্ৰদ্ধাঞ্জলি জনোৱা হয়।

নতুন প্ৰজ্বন্মৰ লেখক লেখিকাসকলক উৎসাহ যোগাই অহা ‘সমলয়’ ই-আলোচনীয়ে এইবছৰৰ শ্ৰেষ্ঠ লেখিকাৰ সন্মান শিক্ষয়ত্ৰী তথা লেখিকা নৱনীতা বৰদলৈক প্ৰদান কৰে।

বৰ্তমান ই-আলোচনীখনৰ মুখ্য সম্পাদকৰ দায়িত্বত আছে অৰুণ কোঁৱৰ। সভাপতি হিচাপে শ্বাহ আলম, প্ৰকাশক অনুৰাগ শৰ্মা, উপদেষ্টা বীৰেণ শৰ্মা আৰু ৰাজেন শৰ্মাই কাৰ্যনিৰ্বাহ কৰি আছে।