মহানগৰীত ভয়ংকৰ পথ দুৰ্ঘটনাত নিহত যুৱতী সাংবাদিক
লকডাউনৰ সময়ছোৱাত সোমবাৰে মহানগৰীৰ সুন্দৰপুৰৰ ৰাধাচুড়া পথত সংঘটিত এক ভয়ংকৰ পথ দুৰ্ঘটনাত নিহত হয় এগৰাকী যুৱতী সাংবাদিক।
প্ৰতিবিম্ব লাইভ নামৰ এটা ব্যক্তিগত ৱেব পৰ্টেলত কৰ্মৰত দিম্পী কাশ্যপ (২২) নামৰ যুৱতী গৰাকী নিশা প্ৰায় ৮ বজাত কাৰ্য্যালয়ৰ পৰা কাম কৰি ঘৰলৈ উভতি আহি থকা অৱস্থাতে সংঘটিত হয় এই ভয়ংকৰ পথ দুৰ্ঘটনাটো।
জানিব পৰা মতে, যুৱতী সাংবাদিকগৰাকী নিজৰ স্কুটীৰে সহকৰ্মী সাংবাদিক অৰূপ মৰাঙৰ লগত বেলতলাৰ ছাৰ্ভেস্থিত বাসগৃহলৈ গৈ থকা সময়ত সুন্দৰপুৰৰ এটা লাইনৰ পোষ্টত খুন্দা মাৰে।
আঘাত গুৰুতৰ হোৱা বাবে দিম্পীক চিকিৎসাৰ বাবে ততাতয়াকৈ লৈ যোৱা হয় খ্ৰীষ্টানবস্তিস্থিত এপ’ল’ হাস্পতাললৈ।
কিন্তু নিয়তিৰ নিষ্ঠুৰ পৰিহাসত নিশা প্ৰায় ১১:৩০ বজাত মৃত্যুক সাৱটি লয় যুৱতী সাংবাদীকগৰাকীয়ে।
ইপিনে, তেওঁৰ লগত থকা অৰূপ মৰাং(২৫) নামৰ সাংবাদিকজন গুৰুতৰভাৱে আহত হয়। তেওঁ বুকুত আঘাত পোৱা বুলি জানিব পৰা গৈছে আৰু বৰ্তমান মহানগৰীৰ গেট হাস্পতালৰ ICU ত চিকিৎসাধীন হৈ আছে।
আজি কিছুদিনৰ পূৰ্বে সংবাদজগতত ভৰি থৈছিল যুৱতীগৰাকীয়ে।
দুয়োগৰাকীয়ে প্ৰতিবিম্ব লাইভৰ ডেস্কত কাম কৰিছিল বুলি জানিব পৰা গৈছে।
You may also like
ৰাজ্যসভাৰ পৰা পদত্যাগ সাংসদ বিশ্বজিৎ দৈমাৰীৰ
ৰাজ্যসভাৰ সাংসদ পদৰ পৰা পদত্যাগ কৰিলে বিপিএফৰ কাৰ্য্যকৰী সভাপতি পদৰ পৰা সদ্য পদত্যাগী বিশ্বজিৎ দৈমাৰীয়ে। ৰাজ্যসভাৰ অধ্যক্ষলৈ লিখিত আকাৰত মেইলযোগে পদত্যাগ পত্ৰ…
অসমৰ শেষ সীমান্ত জাগুনত স্থাপন হ’ব অসম ৰাজ্যিক পৰিবহন নিগমৰ বাছ আস্থান
ৰাজ্যখনত অসম ৰাজ্যিক পৰিবহন বাছ সেৱা আৰম্ভ হোৱাৰে পৰা দূৰনিবতিয়া যাত্ৰী সকলৰ বাবে তিনিচুকীয়া জিলাৰ মাৰ্ঘেৰিটা মহকুমাৰ অসম-অৰুণাচল সীমামূৰীয়া জাগুনত এটা বাছ…
শিক্ষামন্ত্ৰীৰ মন্তব্যত ঠিকাভিত্তিক শিক্ষক সন্থাৰ প্ৰতিবাদ, পৰীক্ষা বৰ্জনৰ সিদ্ধান্ত
যোৱা ২৫ জুন তাৰিখে অসমৰ শিক্ষামন্ত্ৰী সিদ্ধাৰ্থ ভট্টাচাৰ্যই বিশ্বনাথ কলেজত সংবাদ মাধ্যমৰ আগত ব্যক্ত কৰা ’ঠিকাভিত্তিক চাকৰি নিয়মীয়া কৰণ নহয়’ শীৰ্ষক বক্তব্যৰ…
চমকপ্ৰদ আৱিষ্কাৰ! গুহাৰ মাজত উদ্ধাৰ হ’ল ৪৫ হাজাৰ বছৰ পুৰণা এটা মানৱ কংকাল, ক’ত?
প্ৰায় ৪৫ হাজাৰ বছৰ আগতে বাস কৰি যোৱা মানুহৰ কংকাল লাভ কৰা গৈছে। ডিএনএ পৰীক্ষা কৰাৰ পাছত কংকালটো পুৰুষৰ বুলি তথ্য পোৱা…