বগীবিল দলঙৰ পৰা ব্ৰহ্মপুত্ৰত জাঁপ যুৱকৰ: অনুসন্ধান অভিযান অব্যাহত
আত্মহত্যাৰ চেষ্টাৰে বগীবিল দলঙৰ পৰা ব্ৰহ্মপুত্ৰত জাঁপ দিছে তিনিচুকীয়াৰ এগৰাকী যুৱকে। বৰ্তমান নিখোঁজ হৈ থকা যুৱকগৰাকীক অংকিত দত্ত গুপ্তা বুলি চিনাক্ত কৰা হৈছে।
প্ৰকাশিত খবৰ অনুসৰি যুৱকগৰাকীক শেষবাৰৰ বাবে ডিব্ৰুগড়ত দেখা পোৱা গৈছিল। অৰুণাচলত অধ্যয়ন কৰি থকা অংকিতে অৰুণাচল প্ৰদেশ অভিমুখে গৈছিল বুলি জানিব পৰা গৈছে।
কিন্তু আজি বগীবিল দলঙৰ পৰা ব্ৰহ্মপুত্ৰত জাপ দিয়ে অংকিতে। নিখোঁজ অংকিতৰ সন্ধানত অনুসন্ধান অভিযান ইতিমধ্যে আৰম্ভ কৰিছে উদ্ধাৰকাৰী দলে।
ইফালে যুৱকগৰাকীয়ে নদীত জাঁপ দিয়া স্থানৰ পৰা এটা লেপটপ আৰু এটা মোবাইল ফোনকে ধৰি তেওঁৰ কিছু ব্যক্তিগত সামগ্ৰী উদ্ধাৰ কৰা হৈছে।
নিৰুদ্দেশ হোৱা অংকিত দত্ত গুপ্তা অৰুণাচলৰ উত্তৰ পূৰ্বাঞ্চল আঞ্চলিক বিজ্ঞান আৰু প্ৰযুক্তি প্ৰতিষ্ঠানৰ ছাত্ৰ আছিল।
জানিব পৰা মতে, সম্প্ৰতি তেওঁৰ পৰীক্ষা চলি আছিল আৰু বুধবাৰে পৰীক্ষাৰ মাজতে হলৰ পৰা ওলাই গৈছিল।