যুৱৰাজ সিঙে ক’ৰ’নাৰ বিৰুদ্ধে যুঁজিবলৈ প্ৰধান মন্ত্ৰীৰ সাহায্য পুঁজিলৈ আগবঢ়ালে ধন
ভাৰতৰ প্ৰাক্তন বিস্ফোৰক বাওঁহতীয়া বেটছমেন যুৱৰাজ সিঙে ক’ৰ’না ভাইৰাছৰ বিৰুদ্ধে যুঁজিবলৈ প্ৰধান মন্ত্ৰীৰ কেয়াৰছ ফাণ্ডলৈ ৫০ লাখ টকাৰ বৰঙণি আগবঢ়াইছে।
ক্ৰিকেটাৰগৰাকীয়ে আজি এটা টুইটযোগে এই কথা জানিবলৈ দিয়াৰ লগতে তেওঁ সকলো অনুৰাগীকে প্ৰধান মন্ত্ৰী কেয়াৰছ ফাণ্ডলৈ বৰঙণি আগবঢ়োৱাৰ বাবে আহ্বান জনায়।
তেওঁ টুইটটোত কয় যে আমি একত্ৰিত হ’লেহে শক্তিশালী হম। তদুপৰি তেওঁ প্ৰধান মন্ত্ৰীৰ আহ্বান মৰ্মে নিশা মমবাতি জ্বলাব বুলিও টুইটোত উল্লেখ কৰিছিল।
We are stronger when we stand united.
I will be lighting a candle tonight at 9pm for 9 minutes. Are you with me?
On this great day of solidarity, I pledge Rs. 50 Lakhs to the #PMCaresFunds. Please do your bit too!@narendramodi#9pm9minutes #IndiaFightsCorona
— yuvraj singh (@YUVSTRONG12) April 5, 2020
উল্লেখ্য যে দেশৰ এই সংকটৰ সময়ত যুৱৰাজ সিঙৰ পূৰ্বে কেইবাগৰাকীও ভাৰতীয় ক্ৰিকেট দলৰ প্ৰাক্তন আৰু বৰ্তমানৰ ক্ৰিকেটাৰে পি এম কেয়াৰছ ফাণ্ডলৈ সহায় আগবঢ়াইছে।
উল্লেখ্য যে, ক‘ৰ‘না ভাইৰাছে ভয়াবহ ৰূপ ধাৰণ কৰাৰ পিছতেই ইয়াৰ বিৰুদ্ধে যুঁজিবলৈ প্ৰধান মন্ত্ৰী নৰেন্দ্ৰ মোদীয়ে দেশবাসীক পি এম কেয়াৰ্ছ ফাণ্ডলৈ আৰ্থিক সাহায্য আগবঢ়োৱাৰ বাবে আহ্বান জনাইছিল।
প্ৰধান মন্ত্ৰীৰ আহ্বানৰ পিছৰে পৰা আজি পৰ্যন্ত দেশৰ বিভিন্ন ব্যৱসায়ী, উদ্যোগপতি, খেলুৱৈৰ লগতে সাধাৰণ লোকে প্ৰধান মন্ত্ৰী সাহায্য পুঁজিলৈ বৰঙণি আগবঢ়াই আছে।