নিৰ্বাচন গ’ল : ফাষ্ট ট্ৰেক আদালতত জামিন আবেদন বিচাৰিলে শ্যামকানু মহন্তই
অসম বিধানসভা নিৰ্বাচনৰ ভোটদান সমাপ্ত হোৱাৰ এদিন পিছতেই, জুবিন গাৰ্গৰ হত্যাৰ চেষ্টাৰ গোচৰত অভিযুক্ত শ্যামকানু মহন্তই শুকুৰবাৰে জামিনৰ বাবে আবেদন জনাইছে বুলি জানিব পৰা গৈছে।
বিশেষ ফাষ্ট-ট্ৰেক আদালতত এই জামিনৰ আবেদন দাখিল কৰা হ’ব আৰু ইয়াৰ শুনানি অহা ২২ এপ্ৰিলত অনুষ্ঠিত হ’ব।
আনহাতে, সিদ্ধাৰ্থ শৰ্মাৰ মালিকানাধীন ‘মহাবীৰ একুৱা’ পুনৰ খোলা হ’ব নে নাই সেই সন্দৰ্ভতো আজি এক শুনানি অনুষ্ঠিত হয়। গুৱাহাটী উচ্চ ন্যায়ালয়ে এই বিষয়ত সিদ্ধান্ত ল’বলৈ বিশেষ ফাষ্ট-ট্ৰেক আদালতক দায়িত্ব অৰ্পণ কৰিছে।
আজিৰ আদালতৰ কাৰ্যসূচীত অভিযুক্ত সিদ্ধাৰ্থ শৰ্মাৰ বিৰুদ্ধে কেইবা কোটি টকা আত্মসাৎ কৰাৰ গুৰুতৰ অভিযোগ উত্থাপন হয়। অভিযোগ অনুসৰি, জুবিন গাৰ্গৰ খাৰঘূলিস্থিত বাসগৃহ নিৰ্মাণৰ নামত শৰ্মাই বিভিন্ন অজুহাতত বৃহৎ পৰিমাণৰ ধন আত্মসাৎ কৰিছিল।
জুবিনক জনোৱা হৈছিল যে ঘৰ নিৰ্মাণৰ বাবে এজন ঠিকাদাৰক ৭০ লাখ টকা দিয়া হৈছে, কিন্তু বাস্তৱত মাত্ৰ ৩৫ লাখ টকাহে পৰিশোধ কৰা হৈছিল।
আদালতত দাখিল কৰা তথ্য অনুসৰি, এই আত্মসাৎ কৰা ধনেৰে সিদ্ধাৰ্থ শৰ্মাই নিজৰ বান্ধৱীক উপহাৰ দিয়াৰ লগতে ব্যক্তিগত খৰচত ব্যৱহাৰ কৰিছিল।
তেওঁৰ বান্ধৱীৰ নামত মাহে ৩০,০০০ টকাকৈ SIP বিনিয়োগ কৰাৰ লগতে জন্মদিনত এখন স্কুটী আৰু এটা সোণৰ আঙুঠি উপহাৰ দিয়াৰ কথা আদালতত পোহৰলৈ আহিছে।
আদালতৰ শুনানি আগবঢ়াৰ লগে লগে এই গোচৰটোৰ অধিক নতুন তথ্য পোহৰলৈ আহিছে।
You may also like
অসুস্থ! পুনৰ AIIMSত ভৰ্তি হ’ল কেন্দ্ৰীয় গৃহ মন্ত্ৰী অমিত শ্বাহ
কেইদিনমান পূৰ্বে এইমছৰ পৰা সুস্থ হৈ ঘৰলৈ উভতিছিল কেন্দ্ৰীয় গৃহ মন্ত্ৰী অমিত শ্বাহ। কিন্তু শনিবাৰে নিশা পুনৰ হাস্পাতলত ভৰ্তি কৰা হয় গৃহ…
উচ্চতম ন্যায়ালয়ৰ কাঠগৰাত উঠিব লাগিব হিমন্ত বিশ্ব শৰ্মা : শীঘ্ৰে শুনানিৰ দিন ধাৰ্য কৰিবলৈ নিৰ্দেশ মুখ্য ন্যায়াধীশৰ
নিৰ্বাচনৰ প্ৰাকক্ষণত আইনী মেৰপেচত আৱদ্ধ হৈ পৰিছে অসমৰ মুখ্যমন্ত্ৰী ড° হিমন্ত বিশ্ব শৰ্মা। এক বিতৰ্কিত ভিডিঅ’ আৰু সাম্প্ৰদায়িক মন্তব্যৰ জৰিয়তে ঘৃণা বিয়পোৱাৰ…
শুভমন গীলকে ধৰি ইণ্ডিয়া ব্লুৰ খেলুৱৈক ট্ৰেইন কৰিব অসমৰ নিশান্ত বৰদলৈয়ে
বেংগালুৰুৰ এম চিন্নস্বামী ষ্টেডিয়ামত ১৭ আগষ্টৰ পৰা অনুষ্ঠিত হ’বলগীয়া দুলীপ ট্ৰফী ক্ৰিকেট প্ৰতিযোগিতাত অংশ ল’বলগীয়া ইণ্ডিয়া ব্লু দলত ট্ৰেইনাৰ হিচাপে নিযুক্তি লাভ…
আমেথি নহয়, মাতৃ ছোনিয়াৰ সমষ্টি ৰায়বেৰেলীৰ পৰা প্ৰতিদ্বন্দ্বিতা কৰিব ৰাহুলে; আজি দাখিল কৰিব মনোনয়ন
ৰাহুল গান্ধীয়ে নিজৰ পুৰণি সমষ্টি আমেথিৰ পৰা নহয়, উত্তৰ প্ৰদেশৰ কংগ্ৰেছৰ পুৰণি ভেটি ৰায়বেৰেলীৰ পৰা প্ৰতিদ্বন্দ্বিতা কৰিব। শুকুৰবাৰে পুৱা কংগ্ৰেছে এই ঘোষণা…