তিনিখন এদিনীয়া মেচ খেলাৰ উদ্দেশ্যে ২০২১ বৰ্ষৰ জানুৱাৰি মাহত অষ্ট্ৰেলিয়া ভ্ৰমণলৈ যোৱাৰ কথা আছিল ভাৰতীয় মহিলা ক্ৰিকেট দল।
কিন্তু এই ভ্ৰমণ বিশেষ কাৰণৰ বাবে স্থগিত ঘোষণা কৰা হ’ল। ক্ৰিকেট অষ্ট্ৰেলিয়াই এই কথা জানিবলৈ দিয়ে।
নিউজিলেণ্ডত অহা বছৰ মাৰ্চ-এপ্ৰিলত হ’বলগীয়া মহিলা বিশ্বকাপৰ প্ৰস্তুতিৰ বাবে ক্ৰিকেট অষ্ট্ৰেলিয়াই এই শৃংখলাটো বাতিল কৰে।
অৱশ্যে ভাৰত-অষ্ট্ৰেলিয়াৰ মাজৰ এদিনীয়া শৃংখলাটো অহা ছিজনত অনুষ্ঠিত কৰিব বুলি জনায়।
ক্ৰিকেট ডট কম ডট এয়ু-এ ক্ৰিকেট অষ্ট্ৰেলিয়াৰ অন্তৰ্ৱতীকালীন মুখ্য কাৰ্যবাহী বিষয়া নিক হকলেৰ উদ্ধৃতিৰে কয় যে আমি কৰিছো যে অহা ছিজনত আমি এক বিস্তৃত কাৰ্যসূচীৰে ভাৰত-অষ্ট্ৰেলিয়াৰ মহিলা দলৰ ছিৰিজ অনুষ্ঠিত কৰিব পাৰিম।
তেওঁ লগতে কয় যে আমি গ্ৰীষ্মৰ আৰম্ভণিত ভাৰতৰ সৈতে খেলিবলগীয়া আছিল, কিন্তু মহামাৰীৰ কাৰণে এই শৃংখলাটো অহা ছিজনৰ বাবে পিছুৱাই দিব লগীয়া হ’ল।
ভাৰতৰ সৈতে ছিৰিজ অনুষ্ঠিত কৰাটো আমাৰ বাবে ভাল খবৰ কিয়নো মেলবৰ্ণ ক্ৰিকেট গ্ৰাউণ্ডত এই বছৰৰ আৰম্ভণিত ট-২০ বিশ্বকাপৰ ফাইনেল মেচখন অনুষ্ঠিত হৈছিল।
