Road accident at Nagrijuli, বাক্সাৰ নাগ্ৰীজুলিত দেওবাৰে সন্ধিয়া প্রায় ৬-৩০ বজাত সংঘটিত এক ভয়াবহ মটৰ চাইকেল দুৰ্ঘটনা। এই দুৰ্ঘটনাত এজন যুৱক থিতাতে নিহত হোৱাৰ লগত আন এজন যুৱক গুৰুতৰভাৱে আহত হয়।
Road accident at Nagrijuli, নিহত যুৱকজন হৈছে তামুলপুৰ থানাৰ অন্তৰ্গত কুমাৰীকাটাৰ বাহবাৰী গাঁওৰ ২৯ বছৰীয়া ভৈৰ কিচকু।
আনহাতে, গুৰুতৰভাৱে আহত যুৱকজন হৈছে কামৰূপ জিলাৰ কয়া থানাৰ অন্তৰ্গত বৰাহাটী গাঁওৰ প্ৰমোদ কলিতাৰ ২৮ বছৰীয়া পুত্ৰ নিতুমণি কলিতা।
ভৈৰ আৰু নিতুমণিয়ে এ এছ- ০১- ই জে- ৬৩০৪ নম্বৰৰ মটৰ চাইকেলেৰে নাগ্ৰীজুলিৰ পৰা তামুলপুৰৰ দিশত আহি আছিল।
তীব্ৰ বেগী মটৰ চাইকেলখনে বাল্টিনদীৰ দলং পাৰ হৈ কেঁকুৰী এটা পাৰ হ’বলৈ লওতেই নিয়ন্ত্ৰণ হেৰুৱাই পথৰ কাষত থকা ৰেলিংত প্ৰচণ্ড জোৰে খুন্দা মাৰে আৰু দুৰ্ঘটনাটো সংঘটিত হয়।
দুৰ্ঘটনাটোৰ ফলত ভৈৰ কিচকু থিতাতে নিহত হয় আৰু নিতুমণি গুৰুতৰভাৱে আহত হয়।
দুৰ্গটনা সংঘটিত হোৱাৰ পাছতেই নাগ্ৰীজুলি আৰক্ষীৰ দল এটা ঘটনাস্থলীত উপস্থিত হৈ মৃতদেহ উদ্ধাৰ কৰি নাগ্ৰীজুলি আৰক্ষী চকীলৈ লৈ আনে।
গুৰুতৰভাৱে আহত নিতুমণিক নাগ্ৰীজুলিত প্ৰাথমিক চিকিৎসা প্ৰদান কৰাৰ পিছত সংকটজনক অৱস্থাত জিএমচিএইচ লৈ প্ৰেৰণ কৰে।
Also read : কেন্দ্ৰীয় আইন মন্ত্ৰী ৰিজিজুৰ পৰা নিষ্ক্ৰিয় ৰাজনৈতিক দলৰ নামকটাৰ ক্ষমতা বিচাৰিলে নিৰ্বাচন আয়োগে
উল্লেখ্য যে বাল্টিনদীৰ দলঙৰ কেঁকুৰিত সঘনাই পথ দুৰ্ঘটনা সংঘটিত হয়। ইতিমধ্যে বহু লোকে কেঁকুৰিত হোৱা দুৰ্ঘটনাত প্ৰাণ হেৰুৱাইছে।
যোৱা ৭ ছেপ্টেম্বৰতো একেখিনি ঠাইতে সংঘটিত এক পথ দুৰ্ঘটনাত গোলক ৰাজবংশী নামৰ এজন নাগাৰা নামৰ পাঠকৰ মৃত্য হৈছিল।
