হিমন্ত বিশ্ব শৰ্মা যোগী আদিত্যনাথৰ ‘চীনা সংস্কৰণ’-এইদৰে অসমৰ মুখ্যমন্ত্ৰী ডঃ হিমন্ত বিশ্ব শৰ্মাক আক্ৰমণ কৰিছে বিহাৰৰ প্ৰাক্তন উপমুখ্যমন্ত্ৰী তথা আৰজেডিৰ নেতা তেজস্বী যাদৱে। মিঞা বিতৰ্কই অসম ৰাজ্য আৰু ৰাজনীতি উত্তাল কৰি থকাৰ সময়তে তেজস্বী যাদৱে অসমৰ মুখ্যমন্ত্ৰী ডঃ হিমন্ত বিশ্ব শৰ্মাক সকিয়নী দি কয়, আমি থকালৈকে কোনো মাইকা লালে মুছলমান ভাইহঁতৰ অধিকাৰ কাঢ়ি নিব নোৱাৰিব। ইমানেই নহয় মুখ্যমন্ত্ৰী ডঃ শৰ্মাক উত্তৰ প্ৰদেশৰ বিজেপি মুখ্যমন্ত্ৰী যোগী আদিত্যনাথৰ চীনা সংস্কৰণ বুলি কটাক্ষ কৰে তেজস্বী যাদৱে।
সস্তীয়া জনপ্ৰিয়তা লাভ কৰি “যোগীৰ চীনা সংস্কৰণ” হোৱাৰ প্ৰয়াসত অসমৰ মুখ্যমন্ত্ৰীয়ে ইচ্ছাকৃতভাৱে মুছলমানক হাৰাশাস্তিৰ লগতে আক্ৰমণ কৰি থাকে। বিজেপিয়ে মুছলমান ভাইসকলৰ বিৰুদ্ধে ঘৃণা বিয়পাই। প্ৰধানমন্ত্ৰী মোডী আৰু গৃহমন্ত্ৰী অমিত শ্বাহৰ দৃষ্টি আকৰ্ষণ কৰিবলৈ আৰু সমাজক মেৰুকৰণ কৰি মুছলমানক সহজ লক্ষ্য কৰি লৈছে মুখ্যমন্ত্ৰী শৰ্মাই।
তেওঁ লগতে কয় যে দেশৰ স্বাধীনতা লাভৰ ক্ষেত্ৰত RSS ৰ বাহিৰে সকলো ধৰ্মৰ মানুহৰে অৰিহণা আছে। আমাৰ মুছলমান ভাইসকলে দেশে স্বাধীনতা লাভ কৰাত ত্যাগ কৰিছে আৰু আমি যেতিয়ালৈকে আছো।
তেজস্বী যাদৱে অসম বিধানসভাৰ কাৰ্যবিধিৰ সময়ত নমাজৰ বাবে থকা ২ ঘণ্টীয়া বিৰতিৰ ব্যৱস্থা বাতিল কৰাত এইদৰে সমালোচনা মুখৰ হৈ পৰে। এই বিষয়ত তেজস্বীয়ে মুখ্যমন্ত্ৰী হিমন্ত বিশ্ব শৰ্মাক উত্তৰ প্ৰদেশৰ মুখ্যমন্ত্ৰী যোগী আদিত্যনাথৰ সৈতে তুলনা কৰি আনকি কয় যে তেওঁ যোগীৰ চীনা সংস্কৰণ হ’বলৈ চেষ্টা কৰি আছে বুলিও কটাক্ষ কৰে।
