অৰুণাচল প্ৰদেশ আৰু দিল্লীৰ মাজত চলিব অৰুণাচল এক্সপ্ৰেছ: ১ মাৰ্চত আনুষ্ঠানিক শুভাৰম্ভ
১ মাৰ্চৰ পৰা অৰুণাচল প্ৰদেশৰ ৰেইল যাতায়াত ব্যৱস্থাত নতুনকৈ সংযোজন হ’ব এখন বিশেষ সাপ্তাহিক ৰেইল। অৰুণাচল এক্সপ্ৰেছ নামৰ এই নতুন ৰেইলখন বৃহস্পতিবাৰে শুভ উদ্বোধন কৰিব কেন্দ্ৰীয় ৰাজ্যিক গৃহ মন্ত্ৰী কিৰেন ৰিজিজু আৰু কেন্দ্ৰীয় ৰাজ্যিক ৰেইল মন্ত্ৰী ৰাজেন গোঁহায়ে।
নতুনকৈ সংযোজিত বিশেষ ৰেইলখন অৰুণাচল প্ৰদেশৰ নাহৰলগুণৰ পৰা দিল্লীৰ আনন্দ বিহাৰলৈ চলিব বুলি জানিবলৈ দিয়ে ৰেইল বিভাগে।
০২৪১১/ ০২৪১২ নম্বৰৰ অৰুণাচল এক্সপ্ৰেছখনত সকলো ধৰণৰ অত্যাধুনিক সা-সুবিধা থকাৰ লগতে এল এইচ বি(LHB) দবা সংযোজিত কৰা হৈছে।
নাহৰলগুণৰ পৰা দিল্লীৰ আনন্দ বিহাৰলৈ ২০১৩ কিলোমিটাৰ দৈৰ্ঘৰ পথছোৱাত সৰ্বমুঠ ১৪ টা ৰেইল ষ্টেছনত এই বিশেষ ৰেইলখন ৰ’ব। বিভাগটোৱে জানিবলৈ দিয়া অনুসৰি ৰেইলখনে গন্তব্য স্থান পাবলৈ প্ৰায় ৩৮ ঘণ্টা সময় ল’ব।
উল্লেখ্য যে অৰুণাচল এক্সপ্ৰেছ ৰেইলখনত ২ টায়াৰ আৰু ৩ টায়াৰৰ সুবিধা থকাৰ লগতে ৰেইলখনৰ প্ৰতিটো দবাতে শীত-তাপ নিয়ন্ত্ৰিণৰো ব্যৱস্থা থাকিব বুলি জনাইছে মুখ্য জনসংযোগ বিষয়া প্ৰণৱ জ্যোতি শৰ্মাই।
You may also like
এটা পুখুৰীত ৰহস্যজনক অৱস্থাত আই আৰ বি এন জোৱানৰ মৃতদেহ উদ্ধাৰ
অৰুণাচল প্ৰদেশৰ চাংলাং জিলাৰ দায়ুনস্থিত তৃতীয় আই আৰ বি এনৰ মুখ্য কাৰ্যালয়ৰ চৌহদত থকা এটা পুখুৰীত ৰহস্যজনক অৱস্থাত এজন আই আৰ বি…
অৰুণাচলত শিশুৰ ৰাষ্ট্ৰীয় সংহতি যাত্ৰাৰ শুভাৰম্ভণি
অৰুণাচল প্ৰদেশৰ উজনি দিবাং জিলাৰ এটা শিশু দলে ৰাষ্ট্ৰীয় সংহতি ভ্ৰমণৰ বাবে উত্তৰ ভাৰতলৈ যাত্ৰা কৰে। তিনিচুকীয়া জিলাৰ ভূপেন হাজৰিকা সেতুৰ পৰা…
উত্তৰ-পূব ঔদ্যোগিক কৰিড’ৰ সন্দৰ্ভত কেন্দ্ৰই পৰিকল্পনা গ্ৰহণ কৰিছে : প্ৰতিৰক্ষা মন্ত্ৰী
‘‘বিজেপি নেতৃত্বাধীন কেন্দ্ৰীয় চৰকাৰে উত্তৰ-পূবত ঔদ্যোগিক কৰিড’ৰ স্থাপন কৰাৰ পৰিকল্পনা গ্ৰহণ কৰিছে যিয়ে অঞ্চলটোত নিয়োগ সম্ভাৱনাৰ সৃষ্টি কৰিব।’’ প্ৰতিৰক্ষা মন্ত্ৰী ৰাজনাথ সিঙে…
অসম-অৰুণাচল সীমান্তত এন এছ চি এন (কে)ৰ দুৰ্ধৰ্ষ কেডাৰ আটক
লকডাউনৰ মাজতে শনিবাৰে অসম-অৰুণাচল সীমান্তত নাগা বিদ্ৰোহী সংগঠন এন এছ চি এন (কে)ৰ এগৰাকী দুৰ্ধৰ্ষ কেডাৰক আটক কৰা হয়। অৰুণাচল প্ৰদেশৰ চাংলাং…