অষ্ট্ৰেলিয়াত কমনৱেলথ গে’মছলৈ অসমৰ তৰুণী দৌৰবিদ হিমা দাস, নিৰ্ধাৰিত সময়তকৈও কম সময়ত সম্পূৰ্ণ কৰিলে দৌৰ

অষ্ট্ৰেলিয়াত অনুষ্ঠিত হ’ব লগা কমনৱেলথ গে’মছৰ বাবে নিৰ্বাচিত হৈছে অসমৰ ১৮ বছৰীয়া দৌৰবিদ হিমা দাস।

ভাৰতৰ এথলেটিক ফেডাৰেশ্বনে পাঞ্জাবৰ পাটিয়ালাত অনুষ্ঠিত কৰা বাচনি দৌৰত ৪০০ মিটাৰ শাখাত অসমৰ তৰুণীগৰাকীয়ে নিৰ্ধাৰিত ৫২ ছেকেণ্ডতকৈ কম সময়তে (৫১.৯৭ ছেকেণ্ড) তেওঁতকৈ অভিজ্ঞ খেলুৱৈক চেৰ পেলাই এই দৌৰ সম্পন্ন কৰে।

নিৰ্ধাৰিত সময়তকৈও কম সময়ত দৌৰ সম্পূৰ্ণ কৰি উৎফুল্লিত খেলুৱৈগৰাকীয়ে ‘মোৰ ৫২ মিনিট মান সময় লাগিব বুলি ভাবিছিলো। কিন্তু ৫২ মিনিটতকৈও কম সময়ত দৌৰ সম্পূৰ্ণ কৰি মই আনন্দিত’ বুলি নিজৰ প্ৰতিক্ৰিয়া প্ৰকাশ কৰিছে।

দাসে সাধাৰণতে ১০০ আৰু ২০০ মিটাৰ দৌৰতহে ভাগ লয় আৰু এই প্ৰথম বাৰৰ বাবে ৪০০ মিটাৰ দৌৰত ভাগ লৈছিল।