আটছাৰ প্ৰতিবাদ; অস্ত্ৰ নোপোৱা সত্ত্বেও ‘সন্দেহত’ মাজৰাতি আটক বিশ্বনাথৰ নেতাক

সদৌ অসম চাহ জনজাতি ছাত্ৰ সন্থা ( AATTSA )ৰ ন-দুৱাৰ শাখাৰ উপ সভাপতি মিন্তু  ভূমিজক ১০ এপ্ৰিলৰ নিশা আহি অসম ৰাইফলছৰ এটা দলে আহি নেতাগৰাকীৰ হাতত কোনো অস্ত্ৰ নোপোৱা সত্ত্বেও ‘অস্ত্ৰ থকাৰ সন্দেহত’ আটক কৰি নিয়াৰ প্ৰতিবাদত আজি দিনত সংগঠনটোৰ কৰ্মীসকলে উত্তপ্ত কৰি তোলে বিশ্বনাথ উপায়ুক্তৰ কাৰ্য্যালয়।

বিনা দোষত, হাতত কোনো অস্ত্ৰ নথকা সত্ত্বেও ভূমিজক নিশাটো আটক কৰি ৰখাৰ প্ৰতিবাদত শতাধিক আটছা কৰ্মীয়ে বিশ্বনাথ জিলা উপায়ুক্তৰ কাৰ্য্যালয়ত প্ৰতিবাদ সাব্যস্ত কৰি উপায়ুক্তক এখন স্মাৰক পত্ৰ প্ৰদান কৰে।

ভূমিজক আটক কৰি সোধপোচৰ নামত মানসিক নিৰ্যাতন চলোৱাৰ অভিযোগ  উত্থাপিত হৈছে|

বিনাদোষে ভূমিজক হাৰাশাস্তি কৰাত জড়িতসকলক শাস্তি প্ৰদানৰ বাবে আটছাই দাবী জনাইছে।

পুৱা ভূমিজক মুকলি কৰি দিয়াত সমষ্ট ঘটনাটো পোহৰলৈ আহে।

জানিব পৰা মতে ৰাতি প্ৰায় ২ বজাত বিবেক পেনলি নামৰ বিষয়াজনৰ নেতৃত্বত অহা ২৪ অসম ৰাইফলছৰ দলে নেতাগৰাকীক আটক কৰি সোধপোচৰ বাবে চতিয়া থানালৈ আনিছিল।