ইংলিছ চেনেলত সাঁতুৰি প্ৰথম অসমীয়াৰূপে অভিলেখ এলভিছ আলী হাজৰিকাৰ

‘সাঁতোৰৰ এভাৰেষ্ট’ৰূপে জনাজাত ইংলিশ্ব চেনেল সাঁতোৰা প্ৰথম অসমীয়াত পৰিণত হৈছে প্ৰাক্তন আন্তঃৰাষ্ট্ৰীয় সন্তৰণবিদ এলভিছ আলী হাজৰিকা। ইংলিশ্ব চেনেল সাঁতোৰা এলভিছ অসমৰে নহয়, উত্তৰ-পূবৰে প্ৰথম গৰাকী সন্তৰণবিদ।

১২ ডিগ্ৰী ছেলছিয়াছৰ অতি নিম্ন উষ্ণতাত আলী হাজৰিকাই ইংলিশ্ব চেনেলৰ ২৯ কিঃমিঃ সাঁতুৰি অতিক্ৰম কৰে। ১০ ঘণ্টা ১৫ মিনিটত তেওঁ এই ২৯ কিঃমিঃ দূৰত্ব অতিক্ৰম কৰিলে।

আনহাতে অতি নিম্ন উষ্ণতাত ১০ ঘণ্টা ধৰি একেৰাহে সাঁতোৰাৰ ফলত হাজৰিকাৰ স্বাস্থ্যৰ অৱনতি ঘটাত তেওঁ বৰ্তমান চিকিৎসকৰ তত্বাৱধানত আছে।

উল্লেখযোগ্য যে মাত্ৰ ৪ বছৰ বয়সতে এলভিছে গুৱাহাটীৰ দীঘলীপুখুৰী সাঁতুৰি পাৰ হৈছিল। তাৰোপৰি ৫ বছৰ বয়সত তেওঁ পাৰ হৈছিল শিৱসাগৰৰ ঐতিহাসিক জয়সাগৰ পুখুৰী।