উত্তৰ-পূবৰ ৫ হেজাৰ লোকক বিপিঅ’ত কৰ্মসংস্থাপন দিয়া হ’ব: ৰবি শঙ্কৰ প্ৰসাদ

বিপিঅ’ (বিজনেছ প্ৰচেছ আউটছ’ৰচিং) ক্ষেত্ৰখনত উত্তৰ-পূবৰ ৫ হেজাৰৰো অধিক লোকক কৰ্মসংস্থাপন দিয়া হ’ব বুলি শুক্ৰবাৰে ঘোষণা কৰে কেন্দ্ৰীয় তথ্য প্ৰযুক্তি মন্ত্ৰী ৰবি শঙ্কৰ প্ৰসাদে।

গুৱাহাটী মহানগৰীত ইতিমধ্যে প্ৰায় ৬টাকৈ বিপিঅ’ই কাম আৰম্ভ কৰিছে বুলি সদৰী কৰি তেওঁ কয় যে শ্ৰীঘে আৰু ৫টা এনে প্ৰতিষ্ঠানে গুৱাহাটীত ব্যৱসায় আৰম্ভ কৰিব।

গুৱাহাটীত সংবাদ মাধ্যমক সম্বোধন কৰি তেওঁ কয়,’ সৰু নগৰসমূহত বিপিঅ’ খোলাৰ পৰিকল্পনা চলি আছে। গুৱাহাটীত ৩টা বিপিঅ আৰম্ভ হোৱাৰ উপৰি যোৰহাট, কহিমা আৰু ইম্ফলত ১টাকৈ বিপিঅ’ আৰম্ভ হৈছে। ইয়াৰ উপৰি আমি শ্ৰীঘে মাজুলী, শিলচৰ, কোকৰাঝাৰ, ডিফু আৰু নগাৱঁতো বিপিঅ’ খোলিবলৈ গৈ আছো।’

তেওঁ আৰু কয়,’আমি দেশৰ প্ৰত্যেকজন লোককে ডিজিটেলি শিক্ষিত কৰিব খোজো আৰু এইক্ষেত্ৰত সমূহীয়া সেৱা কেন্দ্ৰ সমূহে এক গুৰুত্বপূৰ্ণ ভুমিকা লৈ আহিছে। অসমত আমি ইতিমধ্যে ৪৯ হেজাৰ মানুহক ডিজিটেলি প্ৰশিক্ষিত কৰি তুলিছো।’

অসমত ২৩১১ খন গাওঁ পঞ্চায়তে ২৮৯২টা সমূহীয়া সেৱা কেন্দ্ৰ যোগে ডিজিটেল সেৱা প্ৰদান কৰি আহিছে বুলি তেওঁ উল্লেখ কৰে।

তেওঁ আৰু কয়,’ অসমত থকা তিনিটা সমূহীয়া সেৱা কেন্দ্ৰয়ে স্বাস্থ্য বিষয়ত সজাগতা সৃষ্টিৰ উপৰি ইতিমধ্যে ছেনিটেৰি পেদৰ বিক্ৰী আৰম্ভ কৰিছে। ভৱিশ্যতে আমি উক্ত সেৱা কেন্দ্ৰ সমোহে হিচাপেও কাম কৰাটো বিচাৰো।’

সমূহীয়া সেৱা কেন্দ্ৰ সমূহে টেলিফোনিক আইনি সেৱা প্ৰদান কৰি আহিছে।

এই সেৱাৰ যোগে অসমত ২০৫৪ গৰাকী গাওঁবাসীয়ে ৰাষ্ট্ৰীয় ন্যায়িক সেৱা কৰ্তৃপক্ষৰ অধিবক্তাৰ পৰা পূৰ্ব ন্যায়িক পৰামৰ্শ লাভ কৰি আহিছে।