কাজিৰঙা ৰাষ্ট্ৰীয় উদ্যানৰ কঁহৰা বনাঞ্চলত বনকৰ্মীয়ে উদ্ধাৰ কৰে গঁড়ৰ খড়গ

কাজিৰঙা ৰাষ্ট্ৰীয় উদ্যানৰ কঁহৰা বনাঞ্চলত দেওবাৰে পুৱা কৰ্মৰত বনকৰ্মীয়ে বনাঞ্চলখনৰ ভিতৰত পৰি থকা অৱস্থাত এটা গঁড়ৰ খড়গ উদ্ধাৰ কৰে।

প্ৰাপ্ত তথ্য মতে ৰাষ্ট্ৰীয় উদ্যানখনৰ কঁহৰা বনাঞ্চলৰ ঢেকীয়াতলি বনশিবিৰ এলেকাত সোণেশ্বৰ সোণোৱাল আৰু ইন্দ্ৰ ৰাজপুত নামৰ বনকৰ্মী দুজনে নিয়মীয়া টহল দি থকাৰ সময়ত মাটিত পৰি থকা অৱস্থাত উদ্ধাৰ কৰে খড়গটো ৷

আনহাতে উদ্ধাৰ কৰা গঁড়ৰ খড়গটো দুয়োজন বনকৰ্মীয়ে নি বিভাগীয় কাৰ্যালয়ত জমা দিয়ে ৷ সাধাৰণতে পাৰস্পৰিক যুঁজ বা বসয় হলে গঁড়ৰ খড়গ কেতিয়াবা সৰি পৰিব পাৰে ৷ উদ্ধাৰ হোৱা এই খড়গটোও তেনেদৰে সৰি পৰা হব পাৰে বুলি বনকৰ্মীয় সন্দেহ প্ৰকাশ কৰিছে ৷

আজি উদ্ধাৰ হোৱা গঁড়ৰ খড়গটো কাজিৰঙা ৰাষ্ট্ৰীয় উদ্যানৰ ডি এফ অ’ ৰ কাৰ্যালয়ত জমা দিয়া বুলি জনাইছে কহঁৰাৰ বনাঞ্চলিক বিষয়া জয়ন্ত দাসে ৷