কেন্দ্ৰীয় চৰকাৰে ব্ৰহ্মপুত্ৰ নদীক নিৰীক্ষণ কৰি আছে : সুষমা স্বৰাজ

কেন্দ্ৰীয় বৈদেশিক পৰিক্ৰমা মন্ত্ৰী সুষমা স্বৰাজে বৃহস্পতিবাৰে কয়, ‘চৰকাৰে ব্ৰহ্মপুত্ৰ নদীৰ সোঁত সাৱধানে নিৰীক্ষণ কৰি আছে যাতে যিকোনো অস্বাভাৱিকতা আগতীয়াকৈ ধৰা পেলাব পৰা যায় আৰু সংশোধনমূলক আৰু প্ৰতিকাৰমূলক ব্যৱস্থা গ্ৰহণ নিশ্চিত কৰিব পৰা যায়।’

চীনৰফালে থকা ব্ৰহ্মপুত্ৰৰ উৎস ইয়াৰ উপনৈসমূহত চীনে বান্ধ নিৰ্মাণ কৰিছে নেকি আৰু ইয়াৰ ফলত ব্ৰহ্মপুত্ৰৰ পানী প্ৰদুষিত হৈছে নেকি জানিব খোজা এক লিখিত প্ৰশ্নৰ উত্তৰত মন্ত্ৰী গৰাকীয়ে ৰাজ্য সভাত কয় যে ভাৰত চৰকাৰে চীনা বৈদেশিক মন্ত্ৰ্যালয়ে এনে যোগসূত্ৰ অস্বীকাৰ কৰি এই দুৰ্যোগ মানৱসৃষ্ট নহয় ভূমিকম্প সৃষ্টহে বুলি  জাৰি কৰা বিবৃতি লক্ষ্য কৰিছে।

তেওঁ লগতে কয় যে, ‘সীমান্তৰ দুয়ো পাৰে থকা নদীসমূহ সন্দৰ্ভত আমাৰ স্বাৰ্থ সুৰক্ষিত কৰাৰ স্বাৰ্থত ২০০৬ চনত গঠিত হোৱা এক আনুষ্ঠানিক বিশেষজ্ঞ পৰ্যায়ৰ কাৰ্য প্ৰণালীকে ধৰি যোগাযোগ ৰাখিব খোজে।

তেওঁ কয়, ‘সীমান্তৰ দুয়োপাৰে থকা নদী সমূহৰ পানীৰ ওপৰত বুজন নিৰ্ধাৰিত ব্যৱহাৰকাৰী অধিকাৰ থকা নিম্নভাগৰ নৈপৰীয়া ৰাষ্ট্ৰ হিচাপে ভাৰত চৰকাৰে চীনা শীৰ্ষতম কৰ্তৃপক্ষক ধাৰাবাহিকভাৱে ইয়াৰ মতামত আৰু উদ্বিগ্নতা জনাই আহিছে আৰু তেওঁলোকক ওপৰ অংশত কৰা কোনো কাৰ্যকলাপৰ বাবে নিম্ন অংশৰ ৰাষ্ট্ৰসমূহৰ স্বাৰ্থ যাতে বিঘ্নিত নহয় সেইটো নিশ্চিত কৰাৰ বাবে তেওঁলোকক আহ্বান জনাই আহিছে।’

মন্ত্ৰী গৰাকীয়ে লগতে জনায় যে শেহতীয়াকৈ ডিচেম্বৰত ভাৰত ভ্ৰমণলৈ অহা চীনা বিদেশ মন্ত্ৰী গৰাকীৰ সন্মুখতো তেওঁ বিষয়টো উত্থাপন কৰিছিল।

স্বৰাজে লগতে জনায় যে ব্ৰহ্মপুত্ৰৰ পানী ব্যৱহাৰ কৰা বিভিন্ন ৰাজ্যৰ চৰকাৰসমূহৰ সৈতে কেন্দ্ৰই ঘনিষ্ঠ সহযোগিতা ৰক্ষা কৰি চলিছে।