মানুহৰ শৰীৰত গাহৰিৰ কিডনি প্ৰতিস্থাপন! দুমাহৰ ভিতৰত মৃত্যুক সাৱটিলে গ্ৰহণকাৰী বৃদ্ধই

এইক্ষেত্ৰত বিফলতাৰ হাৰেই অধিক। ইয়াৰ পিছতো আমেৰিকাত জেন’ট্ৰান্সপ্লাণ্টেচনৰ সংখ্যা হ্ৰাস পোৱা নাই। ‘জেন’ট্ৰান্সপ্লাণ্টেচন’ অৰ্থাৎ মানুহৰ শৰীৰত পশুৰ প্ৰাণী কোষ বা অংগ প্ৰতিস্থাপন কৰা। ইয়াৰ আগতে দুবাৰমান গাহৰিৰ হৃদপিণ্ড মানুহৰ শৰীৰত প্ৰতিস্থাপন কৰা হৈছিল। কিন্তু কেইমাহমানৰ পাছতে গ্ৰহণকাৰীসকলৰ মৃত্যু হৈছিল।

এই ধাৰাটোৱে আকৌ এবাৰ বৰ্তি থাকিল। বিশ্বৰ প্ৰথমটো ‘জিনীয়ভাৱে পৰিৱৰ্তিত’ গাহৰিৰ বৃক্ক প্ৰতিস্থাপন কৰা হৈছিল মেছাচুচেটছৰ ৱেইমাউথৰ এজন মানুহৰ শৰীৰত। ডাক্তৰে আশ্বাস দিছিল যে বাষষ্ঠি বছৰীয়া ব্যক্তিজন নতুন কিডনী লৈ দুবছৰমান জীয়াই থাকিব। কিন্তু নাথাকিল।

কেনেবাকৈ পাৰ হওঁ নহওঁকৈ দুমাহৰ ভিতৰতে ৰিচাৰ্ড ‘ৰিক’ স্লেমিয়ান নামৰ সেই ব্যক্তিজনো মৃত্যুমুখত পৰিল। শেহতীয়াকৈ মেছাচুচেটছ জেনেৰেল হাস্পতালৰ চিকিৎসকসকলে এক বিবৃতিত এই কথা সদৰী কৰিছে।

লগতে পঢ়কঃ লোকসভা নিৰ্বাচন! আজি চতুৰ্থ পৰ্যায়ত ৯৬খন আসনৰ বাবে ভোটগ্ৰহণ; লাইমলাইটত কোন?

বাতৰি অনুসৰি, ২০১৮ চনত স্লেমিয়ানৰ বৃক্ক সংৰোপণৰ অস্ত্ৰোপচাৰ কৰা হৈছিল। কিন্তু ইয়াৰ পিছতো ২০২৩ চনত বৃক্ক বিকল হোৱাৰ বাবে তেওঁৰ ডায়েলাইছিছ কৰা হয়। এই প্ৰক্ৰিয়াটো বাৰে বাৰে পাৰ হৈ যোৱাৰ ফলত স্লেমিয়ানৰ আন শাৰীৰিক জটিলতাবোৰো মূৰ দাঙি উঠে।

ইয়াৰ পিছত চিকিৎসকে গাহৰিৰ কিডনি তেওঁৰ শৰীৰত প্ৰতিস্থাপন কৰাৰ পৰামৰ্শ দিয়ে। সেইদৰে, চলিত বৰ্ষৰ মাৰ্চ মাহত স্লেমিয়ানৰ শৰীৰত ‘জিনীয়ভাৱে পৰিৱৰ্তিত’ গাহৰিৰ বৃক্ক সংৰোপণ কৰা হৈছিল। অস্ত্ৰোপচাৰ বিশেষজ্ঞসকলে কৈছিল যে নতুন বৃক্কটোৰ সৈতে স্লেমিয়ান কমেও দুবছৰ জীয়াই থাকিব।

কিন্তু সেয়া নহ’ল। এই ঘটনাক লৈ দুখ প্ৰকাশ কৰিছে মেছাচুচেটছ জেনেৰেল হাস্পতালে। ইয়াৰ উপৰিও স্লেমিয়ানৰ পৰিয়ালৰ সদস্যই এই কাণ্ডৰ বাবে হাস্পাতালখনক নিন্দা বা গৰিহনা দিয়া নাই বুলিও জানিব পৰা গৈছে। বৰঞ্চ তেওঁলোকে হাস্পাতালৰ কাষতে থিয় দিলে।

লগতে পঢ়কঃভুৱা স্বাক্ষৰৰ সহায়ত প্ৰত্যাহাৰ কৰা হ’ল নেকি প্ৰাৰ্থীৰ মনোনয়ন?ইন্দোৰৰ দুই নিৰ্দলীয় প্ৰাৰ্থীৰ অভিযোগ

হাস্পাতালয়খনে কয় যে স্লেমিয়ান আৰু তেওঁৰ পৰিয়ালে ‘জেন’ট্ৰান্সপ্লাণ্টেচন’ অৰ্থাৎ মানৱ শৰীৰত প্ৰাণীৰ হৃদযন্ত্ৰ-বৃক্ক প্ৰতিস্থাপনৰ পথ প্ৰদৰ্শক হিচাপে লাখ লাখ লোকক আশা প্ৰদান কৰাৰ ধাৰণা কৰিছিল। জীৱনৰ প্ৰতি তেওঁলোকৰ ইতিবাচক দৃষ্টিভংগীৰ আমি শলাগ লৈছো।”