গুঃ বিশ্ববিঃ চৌহদত ‘ভাষাৰ ওজা’ হেমচন্দ্ৰ বৰুৱাৰ মূৰ্তি স্থাপন; ভাষাবিদ ড০ শ্ৰী গোলোকচন্দ্ৰ গোস্বামীলৈ বঁটা
‘ভাষাৰ ওজা’, বিশিষ্ট অসমীয়া অভিধান ‘হেমকোষ’ৰ প্ৰণেতা তথা আজীৱন কুসংস্কাৰৰ বিৰুদ্ধে যুঁজা হেমচন্দ্ৰ বৰুৱাৰ ১২২ সংখ্যক মৃত্যু দিৱসত আজি ১ মে’ত তেওঁৰ এটা মূৰ্তি গুৱাহাটী বিশ্ববিদ্যালয় ( GU )ত উন্মোচন কৰা হয়। ‘সাদিন-প্ৰতিদিন গোষ্ঠী’ আৰু হেমকোষ প্ৰকাশনে প্ৰথম বাৰৰ বাবে প্ৰদান কৰা ‘হেমচন্দ্ৰ বৰুৱা ভাষা সাহিত্য সাধনা বঁটা’ আৰু ‘দেৱানন্দ বৰুৱা সমাজ চেতনা বঁটা’ও আজিৰ অনুষ্ঠানতে ভাষাবিদ ডঃ গোলোকচন্দ্ৰ গোস্বামী আৰু ইলোৰা বিজ্ঞান মঞ্চলৈ আগবঢ়োৱা হয়।
‘সাদিন-প্ৰতিদিন গোষ্ঠী’ আৰু হেমকোষ প্ৰকাশনৰ উদ্যোগত আৰু গুৱাহাটী বিশ্ববিদ্যালয়ৰ সহযোগত ভাস্কৰ্য্য শিল্পী বিজু কুমাৰ দাসে নিৰ্মাণ কৰা এই মূৰ্তিটো উন্মোচন কৰে সাহিত্য একাডেমিৰ অধ্যক্ষ চন্দ্ৰশেখৰ কাম্বাৰে।
ভাষাবিদ গোস্বামীলৈ আগবঢ়োৱা বঁটা গ্ৰহণ কৰি ‘অসমীয়া ভাষা, সাহিত্য, সংস্কৃতিৰ প্ৰসাৰ, প্ৰচাৰ আৰু প্ৰগতিৰ কাৰণে ব্যয় কৰিবলৈ’ বঁটাত আগবঢ়োৱা ২ লাখ টকা তেওঁ পুনৰ ‘সাদিন-প্ৰতিদিন গোষ্ঠী’ আৰু হেমকোষ প্ৰকাশনৰ হাততে প্ৰত্যৰ্পন কৰে।
সমাজৰ পৰা কুসংস্কাৰ আৰু অন্ধবিশ্বাস দূৰীকৰণৰ বাবে কাম কৰি অহা ইলোৰা বিজ্ঞান মঞ্চলৈ ১ লাখ টকা আৰু প্ৰশস্তি পত্ৰ আগবঢ়োৱা হৈছে।
অসমৰ সাহিত্য, সাংবাদিকতা আৰু সমাজ জীৱনৰ বহুসংখ্যক জনাজাত ব্যক্তি অনুষ্ঠানটোত উপস্থিত আছিল।
You may also like
তিৱা স্বায়ত্ত পৰিষদৰ নিৰ্বাচনৰ আজি মনোনয়ন পত্ৰ দাখিলৰ অন্তিম দিন, উদুলি-মুদুলি মৰিগাঁও চহৰ
আগন্তুক ১৭ ডিচেম্বৰত অনুষ্ঠিত হ’বলগীয়া তিৱা স্বায়ত্ত পৰিষদৰ নিৰ্বাচনৰ বাবে আজি শাসক বিৰোধীৰ প্ৰক্ষেপিত প্ৰাৰ্থীসকলে নিজ নিজ মনোনয়ন পত্ৰ দাখিল কৰে। উল্লেখ্য…
ত্ৰিপুৰাৰ ঢলাই জিলাক ৰে’ড জ’ন ঘোষণা
ত্ৰিপুৰাৰ ঢলাই জিলাক সোমবাৰে ৰে’ড জ’ন হিচাপে ঘোষণা কৰা হয়। পূৰ্বে ঢলাই জিলা গ্ৰীণ জ’নত আছিল। বিগত দুটা দিনত ১৪ গৰাকী বি…
গহপুৰত গাৰুৰে হেঁচি পিতৃয়ে হত্যা কৰিলে ৮ বছৰীয়া সন্তানক; অৱশেষত পিতৃয়েও বাছি ল’লে চৰম পন্থা
মৰ্মান্তিক! অসমৰ গহপুৰ আৰক্ষী থানাৰ অন্তৰ্গত সোলেঙী অঞ্চলত সংঘটিত হৈছে এক পাশৱিকক ঘটনা। মানৱ সমাজক কলংকিত কৰি নিজ ৮ বছৰীয়া পুত্ৰক গাৰুৰে…
মহাকুম্ভত স্নান কৰাৰ সময়তে অঘটন! পানীত নামোতেই হৃদৰোগত আক্ৰান্ত; মৃত্যু NCP নেতাৰ
মহাকুম্ভত স্নান কৰিবলৈ গৈছিল। কিন্তু কোনে জানিছিল যে পবিত্ৰ স্নান কৰিবলৈ গৈ ইমান ডাঙৰ অঘটন ঘটিব? স্নান কৰিবলৈ পানীত নমাৰ সময়তে হৃদৰোগত…